الماتى ماڭىنداعى دالا ءورتى ءسوندىرىلدى

ءورت ورنىنداعى كادرلار الەۋمەتتىك جەلىلەردە پايدا بولدى.

«بۇگىن بەساعاش-دۋماندا 6 شاقىرىم جەردە ءورت شىعىپ, تۇنگى 2-دەن تاڭعى 6-عا دەيىن ءورت سوندىرۋشىلەر جالىنمەن كۇرەستى. ولارعا ەڭبەگى ءۇشىن ۇلكەن راحمەت. ادامدار جاۋاپتى جانە ۇقىپتى بولىڭىزدار, تەمەكى تۇقىلىن تاستاماڭىزدار, قوقىستى وتەمەڭىزدەر...», دەپ جازىلعان پوستتا.

الماتى وبلىسى تجد ءباسپاسوز قىزمەتى تالعار اۋدانى بەساعاش اۋىلىنىڭ شەتىندەگى قۇرعاق ءشوپتىڭ ورتەنگەنى تۋرالى حابارلاما تجد-عا 19 شىلدە كۇنى ساعات 03:13-تە كەلىپ تۇسكەنىن حابارلادى.

«الماتى وبلىسى تجد قىزمەتكەرلەرى وقيعا ورنىنا كەلگەن سوڭ, تاۋلى جەرلەردە شامامەن ءۇش گەكتار القاپتا قۇرعاق ءشوپتىڭ ورتەنگەنىن, تۇرعىن ءۇي قۇرىلىستارىنا ءورتتىڭ تارالۋ قاۋپى بار ەكەنىن انىقتادى. ءورت 05:55-تە تولىعىمەن ءسوندىرىلدى, ءورتتىڭ قانداي دا ءبىر قۇرىلىسقا تارالۋىنا جول بەرىلگەن جوق. قازا بولعاندار مەن زارداپ شەككەندەر جوق. ءورتتى سوندىرۋگە الماتى وبلىسى تجد مەن الماتى قالاسى تجد-ءىڭ 20 قىزمەتكەرى مەن 6 تەحنيكاسى جۇمىلدىرىلدى», دەدى وبلىستىق تجد.

سونداي-اق الماتى وبلىسىنىڭ تجد ازاماتتاردان ءورت قاۋىپسىزدىگى ەرەجەلەرىن قاتاڭ ساقتاۋدى سۇرايدى.