قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ ماگيسترانتتارى ديپلوم الدى. بۇل تۋرالى قر قورعانىس مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
تۇلەكتەردى ۇلتتىق قورعانىس ۋنيۆەرسيتەتىنىڭ باستىعى گەنەرال-لەيتەنانت سۇلتان كامالەتدينوۆ قۇتتىقتادى.
«وقۋ بارىسىندا ۋنيۆەرسيتەتتىڭ پروفەسسورلىق-وقىتۋشىلار قۇرامى ءوزىنىڭ بارلىق بىلىمىمەن جانە تاجىريبەسىمەن ءبولىستى. ۋنيۆەرسيتەتتىڭ بۇگىنگى تۇلەكتەرى تۋرالى ءوز ءىسىنىڭ شەبەرلەرى, ەلىنىڭ شىنايى پاتريوتتارى جانە لايىقتى وتان قورعاۋشىلارى دەپ ايتا الاتىنىمىزعا سەنىمدىمىن», دەدى ۋنيۆەرسيتەت باستىعى.
ۇلتتىق ۋنيۆەرسيتەتتى 18 ماگيسترانت جانە ارمەنيا رەسپۋبليكاسى قارۋلى كۇشتەرىنىڭ ەكى وفيتسەرى ءبىتىردى.