رەسەيدىڭ اۆتوموبيل وندىرۋشىلەرى ەكى ەل اراسىنداعى ءوندىرىستى دامىتادى

ساپار بارىسىندا ءوڭىردى مىڭداعان جۇمىس ورىندارىمەن قامتاماسىز ەتەتىن, اۆتوموبيل جاساۋ سالاسىنداعى, اۋىل شارۋاشىلىعى تەحنيكاسى ءوندىرىسىنىڭ, سونىمەن بىرگە كومپونەنتتىك بازانىڭ جاڭا الدىڭعى قاتارلى جوبالارى تابىستى جۇمىس ىستەيتىن جانە ىسكە قوسىلۋعا دايىندالىپ جاتقان, ايماقتىڭ ونەركاسىپتىك مۇمكىندىكتەرى كورسەتىلدى.

سونىمەن, بۇگىن «سارىارقااۆتوونەركاسىپ» زاۋىتىندا اۆتوۆاز پرەزيدەنتى نيكوليا موردىڭ قاتىسۋىمەن LADA اۆتوموبيلدەرىن بىرلەسىپ شىعارۋ باستاۋ الدى. دەمەك, زاۋىتتىڭ وندىرىستىك الاڭىندا LADA اۆتوكولىكتەرىنىڭ بارلىق مودەلدەرى: Niva Travel, Niva 4ح4, Vesta, X-RAY, Largus ي Granta شىعارىلاتىن بولادى.

LADA Granta اۆتوموبيلدەرىنىڭ ءوندىرىسى اۆتوكولىكتەردى بوياۋ وپەراتسيالارىن قولدانۋمەن قاتار شاعىن توراپتى ءادىسىن (CKD) قامتيدى. سونىمەن بىرگە, قازىرگى ۋاقىتتا وتاندىق زاۋىتتا LADA ءاۆتوموبيلىن وقشاۋلاۋدى ودان ءارى ارتتىرۋ ماقساتىندا وسى مودەلدىڭ شاناقتارىن دانەكەرلەۋ بويىنشا جوعارى تەحنولوگيالىق وندىرىستىك وپەراتسيالاردى دامىتۋ جونىندەگى جۇمىستار جالعاسۋدا.

ءوندىرىس ءۇشىن قاجەتتى وقىتۋدان وتكەن جاڭا جۇمىس ورىندارى ۇيىمداستىرىلدى. ۇكىمەتتىك دەلەگاتسيا «رەنو رەسەي» باس ديرەكتورى يان پتاچەكتىڭ قاتىسۋىمەن, جاقىندا Arcana جانە Captur مودەلدەرىن شىعارۋ جونگە كەلتىرىلگەن «سارىارقااۆتوونەركاسىپ» زاۋىتىنداعى Renault وندىرىستىك جەلىسىنىڭ جۇمىسىن قاراپ شىقتى.

قر پرەمەر-ءمينيسترىنىڭ ورىنباسارى «كاماز» جاق باس ديرەكتورى سەرگەي كوگوگينمەن جاڭا ۇلگىدەگى ك5 كاماز جاڭا مودەلدىك قاتارىنىڭ جۇك تەحنيكاسىنا ارنالعان, شويىن قۇيماسى كومپونەنتتەرىن شىعاراتىن KamLitKZ زاۋىتى قۇرىلىسىنىڭ بارىسىمەن تانىستى. قر پرەمەر-ءمينيسترى ورىنباسارىنىڭ قاتىسۋىمەن جەتەكشى بەلدىكتەردىڭ باستى بەرىلىستەرىن ءوندىرۋ جونىندەگى كاماز زاۋىتىن سالۋ جوباسى بويىنشا جاڭا ينۆەستيتسيالىق كەلىسىمشارتقا, سونداي-اق قازاقستان رەسپۋبليكاسىنىڭ سىرتقى ىستەر مينيسترلىگى, يندۋستريا جانە ينفراقۇرىلىمدىق دامۋ مينيسترلىگى مەن KamLitKZ اراسىندا وسى كومپونەنتتەردى ونەركاسىپتىك قۇراستىرۋ تۋرالى كەلىسىمگە قول قويىلدى.

وسى كەلىسىمدەردى جاساسۋ كاماز كومپانياسىنىڭ قازاقستان اۋماعىندا اۆتوموبيل كومپونەنتتەرىنىڭ زاماناۋي جوعارى تەحنولوگيالىق وندىرىستەرىن قۇرۋ جونىندەگى ءىرى ينۆەستيتسيالىق جوبالارىن ىسكە اسىرۋ شەڭبەرىندەگى تاعى ءبىر قادام بولىپ تابىلادى.

قازاقستاندىق ءوندىرىس ونىمدەرى نابەرەجنىە چەلنى قالاسىنداعى (تاتارستان, رف) «كاماز» باس زاۋىتىنىڭ كونۆەيەرىنە جەتكىزىلەتىن بولادى. جاڭا جوباعا سالىنعان ينۆەستيتسيا شامامەن 82 ملرد تەڭگەنى قۇرايدى. قازاقستان زاۋىتىندا جانە ونىمەن شەكتەس سالالاردا 600-دەن استام جاڭا جۇمىس ورنى قۇرىلادى. جوبا «ونەركاسىپتىك دامۋ قورى» اق قاتىسۋىمەن جۇزەگە اسىرىلۋدا.

قر پرەمەر-ءمينيسترى ورىنباسارىنىڭ, رف ونەركاسىپتىك ساۋدا مينيسترلىگى وكىلىنىڭ, «كاماز» جاق باس ديرەكتورىنىڭ جانە «اۆتوۆاز» اق پرەزيدەنتىنىڭ قاتىسۋىمەن وتكەن كەزدەسۋ قورىتىندىسى بويىنشا قازاقستان اۋماعىندا جاڭا ينۆەستيتسيالىق جوبالاردى ىسكە اسىرۋ جونىندەگى 8 نەگىزگى قۇجاتقا قول قويىلدى.