اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمى لاۋازىمىنا سايلاۋعا تۇسەتىن ۇمىتكەرلەردى تىركەۋ اياقتالدى, دەپ حابارلايدى Egemen.kz قازاقپاراتقا سىلتەمە جاساپ.
كانديداتتاردى ۇسىنۋ 9 شىلدە ساعات 18:00-گە دەيىن جالعاسسا, ولاردى تىركەۋ 14 شىلدە كۇنى جەرگىلىكتى ۋاقىتپەن ساعات 18.00-دە اياقتالدى جانە بىردەن ۇگىت-ناسيحات جۇمىستارى باستالدى.
زاڭعا ەنگىزىلگەن وزگەرتۋلەر مەن تۇزەتۋلەر بويىنشا, ۇگىت-ناسيحات 24 شىلدە ساعات 00.00-گە دەيىن جالعاسادى.
ايتا كەتەيىك, اكىم سايلاۋىنا رەسپۋبليكا بويىنشا بارلىعى ەكى مىڭنان استام ۇمىتكەر تىركەلگەن.