تەحنولوگيانىڭ قارىشتاپ دامىعانى بۇل. جۋىقتا ەلەكتروندى دۇكەن وسكەمەندەگى وۆ-156/1 تۇزەۋ مەكەمەسىنە ورناتىلدى. ەندى ايىپتالۋشىلاردىڭ نەمەسە سوتتالۋشىلاردىڭ الىستا تۇراتىن تۋىستارى مۇندا كەلىپ اۋرە بولمايدى, دەپ حابارلايدى Egemen.kz.
تۇزەۋ مەكەمەسىنە جاڭادان ورناتىلعان ەلەكتروندى دۇكەن ارقىلى سوتتالعان نەمەسە ايىپتالعان ازاماتتار وزدەرى تاڭداعان ازىق-ت ۇلىكتەرىن, كەرەك-جاراقتارىن تاپسىرىس بەرىپ العىزا الادى. ارينە, تىزىمدە رۇقسات ەتىلگەن زاتتار عانا بار.
– ولار تۋىستارىنىڭ ءنومىرىن تىركەپ, دۇكەنمەن ەسەپ ايىرىسا بەرەدى. ءۇش نومىرگە دەيىن تىركەۋگە بولادى. قاجەتتى تاۋارلارىن تاڭداعان سوڭ ءوز جسن-ىن ەنگىزىپ, قۇپيا سوزدەرىن جازادى. ءار زاتتىڭ بۇرىشىندا باعاسى, سالماعى كورسەتىلىپ تۇر. 20 كەلىگە دەيىن تاپسىرىس بەرۋگە رۇقسات, – دەيدى ءتارتىپ جانە كۇزەت ءبولىمىنىڭ باستىعى, ادىلەت مايورى ەربولات سامارقانوۆ.
ەلەكتروندى دۇكەن ۋاقىتشا ۇستاۋ يزولياتورىنا قويىلا سالا ءۇش ادام تاپسىرىس بەرىپ, كەرەگىن الدى. ايتا كەتسەك, تاپسىرىس ءتورت كۇن ىشىندە كەلەدى ەكەن. كەلگەن زاتتاردى باقىلاۋشىلار تەكسەرىپ بارىپ, ىشكە وتكىزەدى.
– تۋعان-تۋىستار الىستان تاكسي الىپ, مۇندا كەلگەنشە, وسى جەردەن ءوزىم-اق كەرەگىمدى الا بەرەمىن. وتە ىڭعايلى دەيدى, – ايىپتالۋشى ك.مينين.
ايتقانداي, مۇنداي ەلەكتروندى دۇكەندەر باسقا دا تۇزەۋ مەكەمەلەرىنە ورناتىلىپ جاتقان كورىنەدى.