نۇرسۇلتان نازارباەۆ ءابساتتار دەربىسالىنىڭ قايتىس بولۋىنا بايلانىستى مارقۇمنىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلايدى Elbasy.kz.
ەلباسى بەلگىلى عالىم, قوعام قايراتكەرى ءابساتتار دەربىسالىنىڭ ومىردەن وتۋىنە بايلانىستى ورنى تولماس اۋىر قايعىعا ورتاقتاسىپ, كوڭىل ايتتى.
قازاقستاننىڭ تۇڭعىش پرەزيدەنتى ءابساتتار قاجى باعىسباي ۇلى سانالى عۇمىرىن عىلىم جولىنا, ءدىني اعارتۋ سالاسىنا ارناعان پاراساتى بيىك, پايىمى جوعارى, اقجارقىن ازامات بولعانىن اتاپ ءوتتى. جەدەلحاتتا كورنەكتى ءدىنتانۋشىنىڭ قازاقستان مۇسىلماندارى ءدىني باسقارماسىنىڭ باسشىسى قىزمەتىن اتقارعان كەزدە ءمۇفتيات جۇمىسىن جاڭا دەڭگەيگە كوتەرۋگە, ەلىمىزدە دىنارالىق تاتۋلىق پەن ۇلتارالىق كەلىسىمنىڭ نىعايۋىنا زور ۇلەس قوسقانى ايتىلعان.
نۇرسۇلتان نازارباەۆ ءابساتتار دەربىسالىنىڭ عيبراتتى عۇمىرى مەن جارقىن بەينەسى جۇرتشىلىق جادىندا ءاردايىم ساقتالاتىنىنا سەنىم ءبىلدىردى.