الماتى اكىمى ازىق-ت ۇلىك باعاسىنىڭ قاشان تومەندەيتىنىن ايتتى

الماتى اكىمىنىڭ ايتۋىنشا, شىلدەنىڭ ءبىرىنشى اپتاسىندا تۇتىنۋ باعالار يندەكسى 0,4%-عا تومەندەدى. بۇل قالانىڭ پوزيتسياسىن 4 تارماققا تومەندەتۋگە مۇمكىندىك بەردى. جەڭىلدەتىلگەن نەسيە بويىنشا شامامەن 8 ميلليارد تەڭگە بەرىلدى.

«بۇعان ساۋدا جەلىلەرى مەن وندىرۋشىلەر قاتىستى. مىسالى «Magnum Cash & Carry» جشس-عا 12 اتاۋلى الەۋمەتتىك ماڭىزى بار ازىق-ت ۇلىك تاۋارلارىن, اتاپ ايتقاندا: ۇن, كۇرىش, قاراقۇمىق جارماسى, ماكارون ونىمدەرى, قانت, كۇنباعىس, سارى ماي, ايران, ءسۇت, سۇزبە, تاۋىق پەن سيىر ەتىن وسى جىلدىڭ سوڭىنا دەيىن بەلگىلەنگەن باعامەن الۋعا جانە ۇيىمداستىرۋعا 3,1 ميلليارد تەڭگە ءبولىندى», دەپ ءتۇسىندىردى ول.

بيىل قاراشا ايىنا دەيىن «تويمارت» ساۋدا جەلىسىنىڭ سورەلەرىنە قويىلاتىن 10 الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن بەلگىلەۋ ءۇشىن 245 ميلليون تەڭگە پايدالانىلادى.

1 ملرد تەڭگە - «اقساي «حبك» جشس 23,8 مىڭ توننا ناندى بەلگىلەنگەن ناقتى باعاسىمەن جەتكىزۋ ءۇشىن, 75 تگ/بولكە وسى جىلدىڭ جەلتوقسان ايىنا دەيىن.

800 ملن تەڭگە - «الساد قازاقستان» جشس-نە 49,6 ملن جۇمىرتقا جەتكىزۋ ءۇشىن, بەلگىلەنگەن ناقتى باعاسى 400 تگ/ونداعان 3 جىل ىشىندە.

«Union Products» جشس-نە 2730 توننا ەت ءونىمىن (1365 توننا سيىر ەتى مەن تاۋىق ەتى بويىنشا) 132 دۇكەنگە بەلگىلەنگەن باعا بويىنشا (2050 – سيىر ەتى, 782 تگ-تاۋىق ەتى) 2022 جىلدىڭ ناۋرىزىنا دەيىن جەتكىزۋ ءۇشىن 250 ملن تەڭگە بەرىلگەن.

«اسىل Meat» جشس فيرمالىق دۇكەندەرىنە 2022 جىلدىڭ ماۋسىمىنا دەيىن 2050 تگ/كگ باعامەن 90,5 توننا سيىر ەتىن جەتكىزۋ ءۇشىن 88 ملن تەڭگە ءبولىندى.

255 تگ/كگ-نان 5 مىڭ توننا قانت جەتكىزۋ ءۇشىن ءىرى قانت ءوندىرۋشى - «مەركى قانت زاۋىتىنا» «اينالىم» زاەمىن بەرۋ پىسىقتالىپ جاتىر.

«قالانىڭ جەتى نەگىزگى ازىق-ت ۇلىك بازارلارىندا (كوك بازار, جاڭا اقبۇلاق, سارى-ارقا, تاستاق, تاۋسامالى, الماتى-1, تۇركسىب جارمەڭكەسى) «الەۋمەتتىك دۇكەندەر» جۇمىس ىستەيدى. بۇل بازارلاردا ءامات-تىڭ 10 ءتۇرى ورتاشا نارىقتىق باعادان تومەن باعامەن ساتىلادى, بۇل ساتۋشىلار اراسىندا باسەكەلەستىك ورتانى قالىپتاستىرا وتىرىپ, حالىقتى قولجەتىمدى باعامەن كوكونىس ونىمدەرىمەن قامتاماسىز ەتۋگە مۇمكىندىك بەرەدى», دەيدى باقىتجان ساعىنتاەۆ.

2021 جىلعى 24 ماۋسىمدا الماتى قالاسى مەن الماتى وبلىسىنىڭ وڭىرارالىق كووپەراتسياسى ءوزارا ىنتىماقتاستىق تۋرالى مەموراندۋمعا قول قويىلعان بولاتىن.

كارتوپ پەن ءسابىز باعاسىنىڭ وسۋىنە بايلانىستى جەدەل تۇردە تۇركىستان وبلىسىنان كوكونىستەردى تىكەلەي جەتكىزۋ ماسەلەسى دە شەشىلدى. بۇل كارتوپقا كوتەرمە باعانى 260 تەڭگەدەن 125 تەڭگەگە دەيىن, سابىزگە 450 تەڭگەدەن 200 تەڭگەگە دەيىن تومەندەتۋگە ىقپال ەتتى.

بولاشاقتا نارىقتىڭ تولىعۋىنا بايلانىستى باعانى تومەندەتۋ تەندەنتسياسى ساقتالماق.