جول ساپاسى جاقسارسا...

«رەكونسترۋكتسيا جوبا­سى ­جال­پى ۇزىندىعى 304 شاقى­رىمدىق جەتى ۋچاسكەنى, سونداي-اق تەمىر جول ارقىلى 11 كوپىر مەن ەكى جول وتكەلىن سالۋدى قام­تيدى. بۇل جۇمىس باستالعانعا دە­يىن قاندىاعاشتان ماقات اۋى­لىنا دەيىنگى جول ۋاقىتى كەم دەگەندە 11-12 ساعاتتى, ال اتى­راۋ قالاسىنا دەيىن 14 سا­عاتتى قۇراعان ەدى. جاڭعىرتۋ جۇ­­مىستارى اياقتالعاننان كە­يىن قاندىاعاشتان ماقاتقا دە­يىنگى ءجۇرۋ ۋاقىتى شامامەن 4 ساعاتتى, ال اتىراۋعا دەيىن 6 ساعاتتى قۇ­رايتىن بولادى», دەپ ءمالىم ەتتى ءباسپاسوز قىزمەتىنەن.

جول قۇرىلىسىنىڭ باس مەر­دىگەرلەرى – «توديني», «شانحاي كونستراكشن», «اككورد» بك/«اق جول قۇرىلىس» جانە «انت ين­شاات» كومپانيالارى. بيىل بۇل كومپانيالار 1 353 مىڭ توننا اسفالتبەتون توسەۋى قاجەت. بۇگىنگە دەيىن ونىڭ 1 008 مىڭ تون­ناسى توسەلدى.

«جوبانى ىسكە اسىرۋعا شامامەن 1000 ادام مەن 680-نەن اسا تەحنيكا جۇمىلدىرىلعان. بۇدان بولەك جوبا اياسىندا اتىراۋ وبلىسى ماقات اۋدانىنىڭ دوس­سور اۋىلىنا اينالما جول سالى­نۋدا. بۇل دوسسور كەنتىنىڭ تۇر­عىندارى ءۇشىن قاۋىپسىزدىگىن قام­تاماسىز ەتەدى. اتالعان جوبانى ىسكە اسىرۋ جول بويىنداعى قىزمەت كورسەتۋ نىساندارىن دا­مىتۋعا, دەمالىس ورىندارىن ۇيىمداستىرۋ ارقىلى جەرگىلىك­تى تۇرعىنداردىڭ كاسىپكەرلىك قىز­­مەتكە بەت بۇرۋىنا وڭ ىق­پال ەتەدى», دەپ حابارلادى مي­نيس­ترلىكتىڭ ءباسپاسوز قىزمەتى.

سونداي-اق «اقتوبە-اتىراۋ- رەسەي فەدە­راتسياسى شەكاراسى» باعىتىنداعى اۆتوموبيل جو­لىنىڭ اتىراۋ وبلىسى اۋما­عىنداعى بولىگىن جوندەۋ جۇ­مىسى دا اتقارىلىپ جاتىر. وب­لىس اكىمى ماحامبەت دوس­مۇ­حام­بەتوۆتىڭ مالىمەتىنشە, بيىل جالپى ۇزىندىعى 277 شا­قى­رىم­دى قۇرايتىن جولدىڭ 60 شا­قى­رىمىن جوندەۋدى اياقتاۋ جوس­پارلانىپ وتىر. قازىر ونىڭ 20 شاقىرىمى پايدالانۋعا بەرىلدى. ال قالعان 40 شاقىرىمدىق جولدى جوندەۋ قارقىن الدى.

«قازاۆتوجول» اق ۇلتتىق كوم­­­پانياسى تاپسىرىس بەرگەن مەر­دىگەر مەكەمەلەردە 226 ادام تۇراقتى جۇمىسپەن قام­تى­­لىپ, 78 ارنايى تەحنيكا جۇ­­مىل­دىرىلعان. سونداي-اق 217 شا­­ق­ىرىمدىق ۋچاسكەدە جول­­دىڭ نەگىزگى قاباتىن ورنا­لاس­تىرۋ, كوممۋنيكاتسيا جە­لى­لەرىن اۋىس­تىرۋمەن قاتار, 25 سۋ وتكىزەتىن قۇبىر توسەۋ جۇر­گىزىلۋدە. بەل­گىلەنگەن اۋماقتاعى جۇمىستى ات­قارۋعا 183 ارنايى تەحنيكا مەن 367 ادام تارتىلعان. بۇعان قوسا جولدىڭ ساپاسىن انىقتايتىن زەرتحانالار جۇمىس ىستەۋدە.

– مەملەكەت باسشىسى اۆ­توكولىك جولدارىن جاڭعىرتۋعا, اسى­رەسە, ساپاسىنا باسا ءمان بە­رىپ وتىر. اكىمدىك تاراپىنان ماڭىزدى جوبانى جۇزەگە اسىرۋ ءۇشىن جان-جاقتى قولداۋ كور­سەتىلەدى. سوندىقتان جاۋاپ­تى مەردىگەر مەكەمەلەرگە جول قۇ­رىلىسىنىڭ زاماناۋي تالاپ­تارعا ساي ءارى ساپالى بولۋىنا, قاۋىپسىزدىك ماسەلەسىنە نازار اۋدا­رىپ, جوندەۋ جۇمىسىن بەل­گىلەنگەن مەرزىمدە اياقتاۋى ءتيىس, – دەيدى وبلىس اكىمى ماحامبەت دوسمۇحامبەتوۆ.

جوباعا سايكەس, اتالعان جول 6 جولاقتى بولادى. جول جوندەۋ جۇمىستارى 2022 جىلدىڭ سو­ڭى­نا دەيىن اياقتالادى.

اتىراۋ وبلىسى