اتىراۋدا ءۇيىنىڭ اۋلاسىنا قاراسورا وسىرگەن تۇرعىن ۇستالدى, دەپ جازادى Egemen.kz.
وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆتىڭ ايتۋىنشا, ەسىرتكىگە قارسى كۇرەس باسقارماسىنىڭ قىزمەتكەرلەرى قۇرامىندا ەسىرتكىلىك زاتتار بار وسىمدىكتى وسىرۋمەن اينالىسقان تۇرعىندى انىقتاعان.
«ۇستالعان كۇدىكتىنىڭ ءۇي اۋلاسىن ءتىنتۋ كەزىندە 10 ءتۇپ وسىمدىك تابىلىپ, تاركىلەندى. ساراپتاما قورىتىندىسىمەن تاركىلەنگەن ەسىرتكى زاتتارى 14 ءتۇپ سورا وسىمدىگى ەكەنى بەلگىلى بولدى», دەيدى قامزا ۇمبەتقاليەۆ.
قازىر اۋلاسىندا ەسىرتكى وسىرگەن ءۇي يەسىنە قاتىستى قر قىلمىستىق كودەكسىنىڭ 300-بابىنىڭ 1-بولىگىمەن (وسiرۋگە تىيىم سالىنعان وسiمدiكتەردi ەگۋ نەمەسە ءوسiرۋ نەمەسە سورانىڭ, كوكناردiڭ نەمەسە قۇرامىندا ەسiرتكi زاتتار بار باسقا دا وسiمدiكتەردiڭ سۇرىپتارىن ەگىپ-ءوسىرۋ) سوتقا دەيىنگى تەرگەۋ باستالدى.