«گرانتتى تاعايىنداۋدىڭ ماقساتى – جاستاردىڭ بەلسەندى ءارى شىعارماشىل جاستار قاۋىمداستىعىن قالىپتاستىرۋعا باعىتتالعان جانە قولدانىستاعى باستامالارىن مەملەكەتتىك نەگىزدە قولداۋ», دەلىنگەن قۇجاتتا.
گرانت تاعايىنداۋ مىندەتتەرى:
تالانتتى جانە تالاپتى جاستاردى قولداۋ; ەلدىڭ الەۋمەتتىك-ەكونوميكالىق دامۋى ءۇشىن پراكتيكالىق قىزىعۋشىلىق تانىتاتىن جاستاردىڭ يننوۆاتسيالىق جوبالارى مەن عىلىمي-تەحنيكالىق ازىرلەمەلەرىن انىقتاۋ جانە قولداۋ; جاستاردىڭ جاڭا جانە قولدانىستاعى ستارتاپ-جوبالارىن ىسكە اسىرۋعا جاردەمدەسۋ; جاستار اراسىندا شىعارماشىلىق قىزمەتتى ناسيحاتتاۋ.گرانتتىڭ مولشەرى مەن سانىن ۇكىمەت جىل سايىن بەلگىلەيدى.
گرانتتار قر ازاماتتارىنا كەلەسى باعىتتار بويىنشا جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە بەرىلەدى:
«عىلىم» - عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردى ىسكە اسىرۋ ۇشىن;«مادەنيەت» - قازاقستاننىڭ مادەني مۇراسىن تانىمال ەتۋگە, حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋ ۇشىن;«اقپاراتتىق تەحنولوگيالار» - جاڭا IT-شەشىمدەر مەن جوبالاردى, ونىڭ ىشىندە باستاۋشى ستارتاپ-جوبالاردى ىسكە اسىرۋ جانە ازىرلەۋ ۇشىن;«بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋ ۇشىن;«مەديا» - جاڭا مەديا-جوبالاردى, ونىڭ ىشىندە جاستار ءۇشىن تانىمدىق, پايدالى, قىزىقتى كونتەنتتى قۇرۋ جونىندەگى جوبالاردى ىسكە اسىرۋ ءۇشىن.
كونكۋرستىق وتىنىمدەر مەملەكەتتىك نەمەسە ورىس تىلدەرىندە قابىلدانىپ, كەلەسى شارتتار ورىندالۋى ءتيىس:
جوبانىڭ سيپاتتاماسى; جوبانىڭ بەينە-پرەزەنتاتسياسى (60 سەكۋندتان ارتىق ەمەس); شىعىندار سمەتاسىنىڭ جوباسى; زياتكەرلىك مەنشىك تۋرالى مالىمەتتەر (بار بولسا).قۇجات 2021 جىلعى 20 شىلدەدەن باستاپ قولدانىسقا ەنگىزىلەتىن بولادى.