قارجى پيراميداسىنىڭ نەگىزگى بەلگىلەرى قانداي؟ وعان تاپ بولعان ادام نە ىستەۋى كەرەك؟ بۇل تۋرالى قر قارجىلىق مونيتورينگ اگەنتتىگى جازدى, دەپ حابارلايدى Egemen.kz.
قارجى پيراميداسىنىڭ نەگىزگى بەلگىلەرى:
- ۇيىمعا كىرۋ ءۇشىن, بەلگىلى ءبىر قىزمەتتەردى الۋ ءۇشىن الدىن الا قوماقتى قاراجات قۇيۋ كەرەك. ول ءۇشىن قولما-قول اقشا, ءارتۇرلى ينتەرنەت-تولەمدەر مەن اۋدارىم جۇيەسىن پايدالانادى. كومپانيانىڭ بانكتەگى ارنايى ەسەپ ايىرىسۋ شوتىن قولدانبايدى.
- سالىنعان قاراجاتتى از ۋاقىت ىشىندە بىرنەشە ەسەلەپ قايتارۋدى ۋادە ەتۋ;
- تولەمدى الۋ ءۇشىن باسقا ادامداردى دا وسى ۇيىمعا اقشا قۇيۋعا ۇگىتتەپ, كوندىرۋ قاجەت;
- جوبا «نوۋ-حاۋ» رەتىندە ۇسىنىلادى;
- كومپانيا قاراجات جيناۋ ماقساتىندا تىركەلگەن. جارعىلىق كاپيتالى ەڭ تومەن جانە جالعىز قۇرىلتايشىسى بار. تىركەۋدى قر قم مەملەكەتتىك كىرىستەر كوميتەتىنىڭ سايتىندا «سالىق تولەۋشىلەردى ىزدەۋ» سەرۆيسى ارقىلى تەكسەرۋگە بولادى;
- الەۋمەتتىك جەلىلەردە بەلسەندى جانە ءتۇرلى-ءتۇستى جارناما, ءتۇرلى پرەزەنتاتسيا, ۇتىس ويىندارى, سىيلىقتار, جولدامالار ويناتادى, پاراقشالارعا جازىلۋعا ۇگىتتەيدى نەمەسە e-mail ارقىلى جارناما تاراتادى;
- ەگەر ءبىر نارسە دۇرىس بولماي قالسا, جاۋاپكەرشىلىك ەشكىمگە جۇكتەلمەيدى. شارتتا بۇل نۇسقا قاراستىرىلماعان;
- كومپانيا ءوزىن «ميكروقارجى ۇيىمى», «نەسيە بيۋروسى», «قارىزعا قارسى باعدارلاما», «قارجىلىق قىزمەتتەر ورتالىعى» رەتىندە تانىستىرادى. جارناماسى ء«سىز بانكتەن باس تارتتىڭىز با؟ ءبىز كومەكتەسەمىز!», «بەرەشەكتەن قۇتىلۋعا كومەكتەسەمىز!», «اقشاڭىزدى كوبەيتىڭىز», «تاۋەكەلسىز ءپاسسيۆتى كىرىس» جانە ت.ب. ۇراندارمەن بىرگە جۇرەدى;
- ۇيىمدا قر قارجى نارىعىن رەتتەۋ جانە دامىتۋ اگەنتتىگىنىڭ ليتسەنزياسى جوق.
مىسالى, «Finiko» كومپانياسى اقشانى جوعارى پايىزبەن قايتارىپ الۋدى ۇسىنادى, ول ءۇشىن باستاپقى سومانى سالۋ قاجەت, پايدالانۋشىعا CFR كريپتوۆاليۋتالارىن جانە وزگە ينۆەستيتسيالىق قۇرالداردى ساتىپ الۋدى ۇسىنادى, قنردا-ءنىڭ ليتسەنزياسى جوق, وزدەرىن «پايدا تابۋدىڭ اۆتوماتتاندىرىلعان جۇيەسى» رەتىندە جارنامالايدى, اقشانى تەك قولما-قول نىساندا قابىلدايدى نەمەسە Qiwi-ءامياندار, ياندەكس-اقشا, Easy Pay, PayPal جانە باسقالارى سياقتى ينتەرنەت-تولەمدەر مەن اۋدارىمداردى قولدانادى. وسىلايشا, 10 بەلگىنىڭ جەتەۋى قارجى پيراميداسىنىڭ بەلگىسىنە سايكەس كەلەدى.
اتالعان بەلىلەرگە ساي ۇيىمدارعا تاپ كەلگەن ادامدار قارجىلىق مونيتورينگ اگەنتتىگىنە نەمەسە اۋماقتىق قارجىلىق مونيتورينگ ورگانىنا جۇگىنە الادى. قما سەنىم تەلەفونى: +7 (7172) 708-478.