قر پارلامەنت ءماجىلىسىنىڭ دەپۋتاتتارى باقىتبەك سماعۇل, عالىم امىرەەۆ, گەننادي شيپوۆسكيح قازالى اۋدانىنا ساپارى كەزىندە قازالى قالاسى جانە قوجاباقى, بوزكول اۋىلدارىنا ارنايى بارىپ, تۇرعىنداردىڭ ۇسىنىس-پىكىرلەرىن تىڭدادى, دەپ جازادى Egemen.kz.
قازالى قالاسىنداعى ء«ورىمتال» بالاباقشاسىن قايتا سالۋ قاجەتتىلىگى تۋىنداپ وتىر. بالاباقشانىڭ كونە عيماراتى 2012 جىلى اپاتتىق جاعدايدا دەپ تانىلعان. قازىرگى تاڭدا بالاباقشانىڭ جوبا-سمەتالىق قۇجاتتارى ازىرلەنگەن.
دەپۋتاتتار قازالى قالاسى مەن قوجاباقى, بوزكول اۋىلى تۇرعىندارىمەن كەزدەسۋدە جەرگىلىكتى جەردەگى تۇيتكىلدى ماسەلەلەردى تىڭدادى. اۋدانداردى ارالاۋداعى نەگىزگى ماقساتىن ءتۇسىندىرىپ, قۋاڭشىلىق, سىرداريا وزەنىندەگى سۋ تاپشىلىعىنا بايلانىستى ورىن العان جاعدايدى كوزبەن كورىپ, تۇرعىندارمەن تىلدەسىپ شەشۋ جولدارىن قاراستىرۋدى جەتكىزدى.
كەزدەسۋدە تۇرعىندار باستى ماسەلە قۋاڭشىلىق, جايىلىمدىق, شابىندىق جەرلەردى سۋلاندىرۋ, ءتورت ت ۇلىك مالعا قاجەتتى جەم-ءشوپ ماسەلەسى قيىندىق تۋدىرىپ وتىرعاندىعىن ايتتى. سونىمەن قاتار, ەكى اۋىلعا جاڭا بالاباقشا قاجەت ەكەندىگىن جەتكىزدى.
قوجاباقى اۋىلىنا باراتىن جولدا دەپۋتاتتار «قارلاڭ» قالقىمالى كوپىرىن كوردى.
اۋدان اكىمىنىڭ ورىنباسارى عالىمجان ەركەباي كوكتەم جانە قىس مەزگىلىندە حالىقتىڭ كوپىردەن ءوتۋى قيىنداپ كەتەتىنىن جەتكىزدى. سوندىقتان وسى ارالىقتان تەز ارادا كوپىر سالۋ قاجەتتىلىگى تۋىنداپ وتىرعاندىعىن ايتتى. قازىرگى تاڭدا سىرداريا وزەنىندەگى «قارلاڭ» تەمىر بەتون كوپىرىنىڭ جوبا-سمەتالىق قۇجاتتارى دايىندالىپ, ساراپتامادان وتكىزىلگەن.
قوجاباقى اۋىلىندا ءماجىلىس دەپۋتاتتارى «اگرو – وركەن» جشس-ءنىڭ ەگىس القابىندا بولىپ, ديحاندارمەن كەزدەستى. كەزدەسۋدە شارۋالار ءوز ماسەلەلەرىن ايتىپ, كومەك سۇرادى.
مۇنان كەيىن دەپۋتاتتار ايتەكە بي كەنتىندەگى كوكونىس ساقتاۋ قويماسىنىڭ جاعدايىمەن تانىستى. «اگرووپتسەرۆيس» جشس-ءنىڭ سىيىمدىلىعى 500 توننالىق كوكونىس ساقتاۋ قويماسىندا جەمىس ساقتايتىن ەكى بولمە توڭازىتقىشپەن قامتىلعان.
«اگرووپتسەرۆيس» جشس ديرەكتورى بەكبولات بيبالاەۆتىڭ ايتۋىنشا كارتوپ پەن كوكونىس ونىمدەرى رەسەيدەن, ال, جەمىس-جيدەكتەر تۇركىستان وبلىسى مەن شىمكەنت قالاسىنان جانە تۇركيا مەن پولشادان تاسىمالدانادى. سونىمەن قاتار, الداعى ۋاقىتتا ازىق-ت ۇلىك تاۋارلارىنىڭ تۇرلەرىن دە كوبەيتپەكشى.