ساياسي پارتيالار ماقساتى – حالىقتىڭ ءال-اۋقاتىن ارتتىرۋ

سامميتتە العاشقىلاردىڭ ءبىرى بولىپ ءسوز بەرىلگەن ەلباسى – تۇڭعىش پرەزيدەنت, Nur Otan پارتياسىنىڭ توراعاسى نۇرسۇلتان نازارباەۆ قىتاي حالىق رەسپۋبليكاسىنىڭ توراعاسى سي تسزينپينگە بۇل ساياسي ءىس-شاراعا قاتىسۋعا شاقىرىپ, پىكىر بىلدىرۋگە مۇمكىندىك بەرگەنى ءۇشىن ريزاشىلىق ءبىلدىردى.«بۇگىنگى ءسامميتتىڭ «حالىقتى باقىتقا باستاۋ – ساياسي پارتيالار جاۋاپكەرشىلىگى» تاقىرىبى وتە وزەكتى, ول مەن باسقاراتىن Nur Otan ساياسي پارتياسى جۇمىسىنىڭ دا نەگىزگى ءمانىن كورسەتەدى. بيىل مەنىڭ ەلىمنىڭ تاۋەلسىزدىگىنە 30 جىل تولادى. باستى ساياسي كۇش رەتىندە ءبىز العاشقى كۇننەن باستاپ پارتيانىڭ نەگىزگى باسىمدىقتارىن ايقىنداپ الدىق: حالىق پەن تۇتاس قوعامنىڭ ءال-اۋقاتىن ارتتىرا الماسا, پارتيانىڭ جەڭىستەرى مەن جەتىستىكتەرىنىڭ قۇندىلىعى بولماس ەدى», دەدى ەلباسى.ەلباسى قازاقستاننىڭ تاۋەلسىزدىك جىل­دارىنداعى جەتىستىكتەرىنە ەرەكشە توقتالىپ, وعان كوبىنە Nur Otan پارتيا­سى­نا وتانداستارىمىزدىڭ تاراپىنان كور­سەتىلگەن سەنىم مەن قولداۋدىڭ ارقا­سىندا قول جەتكەنىن اتاپ ءوتتى.ء«بىز الەۋمەتتىك باعدار ۇستانعان ەل رەتىندە ازاماتتاردىڭ لايىقتى تۇرمىسى مەن قازاقستاننىڭ جاڭعىرۋىن قامتاماسىز ەتۋ جۇمىسىن ءارى قاراي جالعاستىرامىز. ءبىزدىڭ ماقساتىمىز – 2050 جىلى الەمدەگى دامىعان 30 ەلدىڭ قاتارىنا قوسىلۋ», دەدى نۇرسۇلتان نازارباەۆ.سونىمەن قاتار, ەلباسى قىتاي تاراپى باستاماشى بولعان ساياسي بىرلەستىكتەر دەڭگەيىندەگى كوپجاقتى ديالوگكە ارنالعان جاڭا تۇعىرنامانى دامىتۋ تۋرالى ءوز ويىن ورتاعا سالدى.

«Covid-19 پاندەمياسى جاھاندىق سىن-قاتەرلەردى حالىقارالىق ارىپتەستىك پەن ءبىر-ءبىرىمىزدى قولداۋ ارقىلى عانا ءتيىمدى ەڭسەرە الاتىنىمىزدى تاعى ءبىر مارتە دالەلدەدى. بۇل تۇستا ساياسي پارتيالار ماڭىزدى ءرول اتقارا الادى جانە اتقارۋى كەرەك. وسى ورايدا حالىقارالىق قاتىناستاردىڭ قازىرگى مودەلى تەڭ قۇقىققا, بارلىق تاراپتىڭ داستۇرلەرىن, قۇندىلىقتارى مەن ەرەكشەلىكتەرىن قۇرمەتتەۋگە نەگىزدەلۋگە ءتيىس ەكەنى انىق», دەدى قازاقستاننىڭ تۇڭعىش پرەزيدەنتى.

Nur Otan پارتياسىنىڭ توراعاسى قازىر الەمنىڭ بارلىق ەلدەرى اراسىندا Covid-19-عا قارسى ۆاكتسينالاردى بىركەلكى جانە ءادىل تاراتۋ ىسىندە كووپەراتسيالىق ءتاسىلدى پايدالانۋ قاجەتتىگىن ايتتى.

ەلباسى سونداي-اق ساياسي پارتيالاردىڭ جاھاندىق سىن-قاتەرلەردى بارىنشا ازايتۋ جانە دامۋداعى تەڭسىزدىكتى ازاي­تۋ با­عى­تىنداعى جۇمىسىنىڭ ماڭىز­دى­لىعىن اتاپ ءوتتى.

«الەمدە ءبىزدىڭ اۋديتوريانىڭ ءۇنى الدەقايدا ايقىن ءارى قاتتىراق ەستىلگەنى ءجون. اتاپ ايتقاندا, ساياسي پارتيالار گەو­ساياسي شيەلەنىستى ەڭسەرۋگە ۇلەس قوسۋ ءۇشىن ءوزارا ىقپالداستىقتى ارتتىرا ءتۇسۋى كەرەك دەپ سانايمىن», دەدى نۇرسۇلتان نازارباەۆ.

ءسوزىنىڭ سوڭىندا ەلباسى Nur Otan پارتياسى مەن قىتاي كوممۋنيستىك پارتياسى قازاقستان مەن قىتاي حالىق رەس­پۋبليكاسى اراسىنداعى ماڭگىلىك جان-جاق­تى ستراتەگيالىق سەرىكتەستىكتى نىعايتۋعا زور ۇلەس قوسىپ جاتقانىن ايتتى.

جيىن بارىسىندا قىتاي كوممۋنيستىك پارتياسىنىڭ جەتەكشىسى سي تسزينپين ءسوز سويلەپ, الەمدەگى ساياسي پارتيالاردى ادامداردىڭ ءال-اۋقاتى مەن ادامزات پروگرەسى جولىنداعى جاۋاپكەرشىلىكتى ءوز موينىنا الۋعا شاقىردى.

«ساياسي پارتيالار ادامزاتتىڭ ىلگەرى­لەۋىنىڭ ماڭىزدى كۇشى رەتىندە دۇرىس باعىتتى بەلگىلەپ, حالىقتىڭ ءال-اۋقاتىن قامتاماسىز ەتۋ جانە ادامزاتتىڭ العا جىلجۋىن قامتاماسىز ەتۋ ءۇشىن وزدەرىنىڭ تاريحي جاۋاپكەرشىلىكتەرىن موينىنا الۋى كەرەك», دەدى ول.

سونداي-اق ساياسي پارتيالاردى ادامزاتتىڭ ورتاق بولاشاعىن قالىپ­تاستىرۋ جولىمەن باعىتتاپ, ادامزاتتىڭ ورتاق قۇندىلىقتارىن قولداۋ جانە ناسيحاتتاۋ ارقىلى مامىلەگە كەلۋگە شاقىر- دى.

ء«بىز بۇكىل ادامزاتتىڭ بولاشاعى ءۇشىن جاۋاپكەرشىلىكتى سەزىنە وتىرىپ, جالپى, ادامزاتتىق قۇندىلىقتاردى جەڭىپ الۋىمىز كەرەك, ءارتۇرلى وركەنيەتتەر قۇن­دىلىقتارىن تۇسىنۋگە كەڭ اۋقىمدى توزىم­دىلىكتى تاربيەلەپ, ءارتۇرلى حالىقتاردىڭ ىزدەنىستەرىن قۇرمەتتەۋىمىز كەرەك», دەدى قىتاي باسشىسى.

سي تسزينپين بارلىق ەلدىڭ دامۋ مۇم­كىندىگى مەن قۇقىعى بىردەي ەكەنىن اتاپ ءوتىپ, ساياسي پارتيالاردىڭ بايلىقتىڭ الشاقتىعى جانە دامۋدىڭ ءبولىنۋى سياقتى ۇلكەن پروبلەمالارعا تولىعىمەن قارسى تۇرۋىنىڭ ماڭىزىنا توقتالدى. سونداي-اق دامىماعان ەلدەر مەن ايماقتارعا جانە كەدەيلەنگەن ادامدارعا ەرەكشە كوڭىل ءبولىپ, قامقورلىق جاساۋعا ۇندەدى.

سونىمەن قاتار جيىن بارىسىندا «ەدينايا روسسيا» پارتياسىنىڭ ءتور- اعاسى جانە رەسەي قاۋىپسىزدىك كەڭەسى تور­اعاسىنىڭ ورىنباسارى دميتري مەد­ۆەدەۆ ءسوز سويلەدى. ول وتكەن عاسىردا قىتاي كوممۋنيستىك پارتياسى سوتسياليزم جولىنان ءساتتى وتكەنىن العا تارتتى.

د.مەدۆەدەۆ ءوزارا ىنتىماقتاستىق ۇنە­مى دامىپ, رەسەي مەن قىتاي ەكىجاقتى جا­نە مەملەكەتارالىق قاتىناستار شەڭ­بەرىندە اۋقىمدى جوبالاردى جۇزەگە اسىرىپ جاتقانىن اتاپ ءوتتى.

ارگەنتينا پرەزيدەنتى, ەلدەگى ادىلەت پارتياسىنىڭ توراعاسى البەرتو فەر­ناندەس سي ءتسزينپيننىڭ بايانداماسىن جوعارى باعالاپ, ماعىناسى تەرەڭ ەكەنىن ايتتى. ونىڭ ايتۋىنشا, قىتاي باسشىسى ساياسي پارتيالارعا قانداي جاۋاپكەرشىلىكتى الۋ كەرەكتىگى تۋرالى ويلاۋعا كومەكتەسپەك. بۇدان بولەك, الەم ەلدەرىن ىنتىماقتاستىقتى نىعايتۋعا جانە بۇكىل ادامزاتقا پايدا اكەلەتىن ەكو­نو­ميكالىق جانە الەۋمەتتىك دامۋعا ىق­پال ەتۋگە شاقىردى.

پاكىستانداعى تەحريك-ين-ينساف پار­تياسىنىڭ توراعاسى, پرەمەر-مينيستر يمران حان ءوز سوزىندە ساياسي پارتيالار حالىققا شىن جۇرەكتەن قىزمەت ەتە السا عانا حالىقتىڭ قولداۋىنا يە بولا الاتىنىنا نازار اۋداردى.

ونىڭ ايتۋىنشا, قىتاي حالىققا باعدارلانعان فيلوسوفيانى قولدانىپ, كەدەيلىكپەن ءتيىمدى كۇرەسە ءبىلدى. قىتاي­دىڭ COVID-19 ۆاكتسينالارىن الەمدىك قوعامدىق يگىلىككە بەرگەنى مەيىرىمدىلىك پەن ادىلدىكتى كورسەتەتىنىن جەتكىز- ءدى.

يسپانيا كوممۋنيستىك پارتياسىنىڭ پرەزيدەنتى حوسە لۋيس سەنتەللانىڭ پايىمداۋىنشا, ء«بىر بەلدەۋ, ءبىر جول» باستاماسى ۋاقىتتىڭ قاجەتتىلىكتەرىن قانا­عاتتاندىرادى. بۇل ماڭىزدى حالىق­ارالىق ىنتىماقتاستىق پلاتفورماسى عانا ەمەس, سونىمەن بىرگە الەمدىك ەكونو­مي­كانىڭ قالپىنا كەلۋىنە ۇلكەن مۇمكىن­دىك بەرمەك.

«قازىرگى ۋاقىتتا بۇكىل الەمدەگى سايا­سي پارتيالار ادامزاتتىڭ ورتاق بولا­شاعى بار قوعامداستىق قۇرۋعا بەلسەندى قاتىسۋى ءتيىس. الەم الدىندا تۇرعان وزەكتى ماسەلەلەردى بىرلەسىپ شەشۋىمىز قاجەت», دەدى سەنتەللا.