قر اقپارات جانە قوعامدىق دامۋ مينيسترلىگى وبلىستىق ماڭىزى بار قالالاردىڭ اۋماقتىق سايلاۋ كوميسسيالارىنىڭ شەشىمدەرىمەن اعىمداعى جىلدىڭ 25 شىلدەسىنە قازاقستان رەسپۋبليكاسىنىڭ اۋداندىق ماڭىزى بار قالالارىنىڭ, اۋىلدارىنىڭ, كەنتتەرىنىڭ, اۋىلدىق وكرۋگتەرىنىڭ 730 اكىمىن سايلاۋ تاعايىندالعانىن حابارلايدى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 3-تارماعىنىڭ تالاپتارىنا سايكەس ەفيردەن جانە باسپاسوزدەن ورىن بەرۋ تولەمىنىڭ مولشەرى, شارتتارى مەن ءتارتىبى تۋرالى مالىمەتتەردى ءتيىستى بۇقارالىق اقپارات قۇرالى سايلاۋ الدىنداعى ۇگىتتى جۇرگىزۋ باستالعانعا دەيىن بەس كۇننەن كەشىكتىرمەي (2021 جىلعى 9 شىلدەدەن كەشىكتىرمەي) حابارلاپ, جاريالاۋعا ءتيىس.
بۇقارالىق اقپارات قۇرالدارى ەفير مەن ءباسپاسوز بەتىنەن ورىن بەرۋ تولەمىنىڭ مولشەرى, شارتتارى مەن ءتارتىبى تۋرالى مالىمەتتەر جاريالانعانعا دەيىن كانديداتتاردىڭ ۇگىت ماتەريالدارىن ورنالاستىرۋ, تاراتۋ ءۇشىن ەفير ۋاقىتىن, ءباسپاسوز بەتىنەن ورىن بەرە المايدى (وسى نورمانى بۇزۋ لاۋازىمدى ادامدارعا - 30 اەك مولشەرىندە, زاڭدى تۇلعالارعا 50 اەك مولشەرىندە ايىپپۇل سالۋعا اكەپ سوعادى).
اۋداندىق ماڭىزى بار قالالاردىڭ, اۋىلداردىڭ, كەنتتەردىڭ, اۋىلدىق وكرۋگتەردىڭ اكىمدەرىن سايلاۋ بويىنشا ەفير جانە ءباسپاسوز بەتىنەن ورىن بەرۋ تولەمىنىڭ مولشەرى, شارتتارى مەن ءتارتىبى تۋرالى مالىمەتتەر اۋماقتىق سايلاۋ كوميسسيالارىنا بەرىلۋى ءتيىس.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 27-بابى 2-تارماعىنىڭ تالاپتارىنا سايكەس سايلاۋ الدىنداعى ۇگiت كانديداتتار تiركەلگەن مەرزىمى اياقتالعان كەزدەن باستالىپ, سايلاۋ بولاتىن كۇننىڭ الدىنداعى كۇنگi جەرگىلiكتi ۋاقىت بويىنشا ءنول ساعاتتا اياقتالادى.
وسىلايشا, سايلاۋ الدىنداعى ۇگىت 2021 جىلعى 14 شىلدە جەرگىلىكتى ۋاقىتپەن ساعات 18:00-دەن كەيىن باستالىپ, 2021 جىلعى 24 شىلدە جەرگىلىكتى ۋاقىتپەن ساعات 00:00-دە اياقتالادى.