ارقالىق قالاسىنداعى دالا ولكەسى تاريحى مۋزەيىندە كونە جادىگەردىڭ ءبىرى – كۇمىس فالار ساقتالعان. فالار دەگەنىمىز, ات ابزەلىنىڭ اشەكەيىنە جاتاتىن, قايىستان جاسالعان ومىلدىرىك-قۇيىسقانعا بەكىتىلەتىن مەتالل جاپسىرما.
ونى بۇرىنعى تورعاي وبلىسى, ەسىل اۋدانى «پوبەدا» اۋىلىنىڭ تۇرعىنى زايتسەۆ دەگەن كىسى كەزدەيسوق تاۋىپ الىپ, مۋزەي قورىنا 1986 جىلى تاپسىرعان.
عالىمداردىڭ زەرتتەۋىنشە, اتالعان قۇندى دۇنيە ءبىزدىڭ زامانىمىزدىڭ I-III عاسىرلار ارالىعىنا جاتادى. ونى ارحەولوگتەر سارماتتار مادەنيەتىنىڭ وركەندەگەن كەزى دەپ ايتادى. قۇندى جادىگەر كۇمىستەن جاسالعان, جۇقا التىن جاپسىرمامەن كومكەرىلگەن, بەتىندەگى بەينەلەر شەكىمە تۇرىندە بەرىلگەن. فالاردىڭ جيەگى لاۆر جاپىراعىمەن كومكەرىلگەن. ورتا تۇسىندا ارىستاننىڭ بەدەرلى بەينەسى بەينەلەنگەن ونىڭ شىعىڭقى بولىگىن التىننىڭ بۋىنا ۇستاپ, اپتاعان. ارىستان وڭ جاققا قارعىعان كەيىپتە, دەنەسى قىران پىشىندە, موينى جوعارىدان جالمەن جارىلىپ بەدەرلەنگەن. سىرتقى جاعىنا ءۇش ىلگەك جاپسىرىلعان.
جالپى سارماتتار كەزەڭىنە قاتىستى كۇمىس فالارلار بۇرىن دا تابىلعان, بىراق ولار نەگىزىنەن كىشكەنتاي بولىپ كەلەدى. ال وسىنداي كولەمدىسى سيرەك كەزدەسەدى.