اقتاۋ قالاسىندا ەل تاۋەلسىزدىگىنىڭ 30 جىلدىعى اياسىندا جانە استانا كۇنىنە وراي جاڭا تۇرعىن ءۇي كەشەنى پايدالانۋعا بەرىلدى, دەپ حابارلايدى Egemen.kz.
7,9 جانە 12 قاباتتان تۇراتىن ۇيلەر «نۇرلى جەر» مەملەكەتتىك باعدارلاماسى اياسىندا بوي كوتەرگەن. سالتاناتتى شاراعا قاتىسقان اقتاۋ قالاسىنىڭ اكىمى نۇرداۋلەت قيلىباي باسپانالى بولعان تۇرعىنداردى جاڭا قونىسىمەن قۇتتىقتادى.
«مەملەكەت قولداۋىنىڭ ناتيجەسىندە باسپانالى بولىپ, قونىس تويىن تويلايتىندار سانى ارتىپ كەلەدى. وتكەن اپتادا اقتاۋدا 216 وتباسى جاڭا ۇيگە كىرىپ, قۋانىشقا كەنەلگەن ەدى. مىنە بۇگىن استانا كۇنى قارساڭىندا تاعى ءبىر توپ تۇرعىنعا پاتەر كىلتىن تابىستادىق. مەرەكەمەن تۇسپا-تۇس كەلگەن قونىس تويلارىڭىز قۇتتى بولسىن. شاڭىراقتارىڭىز شاتتىققا تولى بولىپ, بەرەكە-بىرلىگىمىز ارتا بەرسىن», دەدى قالا اكىمى.