مۇنايلى شاھار ىرگەسىندەگى تاسقالا ەلدى مەكەنىندە تۇرعىن ءۇي ورتەنىپ, ءبىر ادام كوز جۇمدى. ال, 12 جاسار ءجاسوسپىرىم جانساقتاۋ بولىمىنە ءتۇستى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىەن ءمالىم ەتكەندەي, ءورت 2 شىلدەدە ساعات 19:30-دا بولعان.
«وقيعا ورنىنا جەدەل جەتكەن ءورت سوندىرۋشىلەر جەكە يەلىكتەگى تۇرعىن ءۇيدىڭ اس دايىنداۋ بولمەسىندە گاز-اۋا قوسپاسىنىڭ جينالۋىنان ءورت شىققانىن انىقتادى. ءورت ساعات 20:00-دە ءسوندىرىلدى. جالىندى سوندىرۋگە توتەنشە جاعدايلار دەپارتامەنتىنىڭ جەكە قۇرامىنان 12 قىزەتكەر مەن ءۇش تەحنيكا جۇمىلدىرىلدى» دەپ حابارلادى دەپارتامەنتتىڭ ءباسپاسوز قىزمەتى.
ءورت سالدارىنان وقيعا ورنىندا 1972 جىلى تۋعان ايەل كوز جۇمدى. ال, 2009 جىلى تۋعان ءجاسوسپىرىم 85% تەرميالىق كۇيىكپەن وبلىستىق بالالار اۋرۋحاناسىنا جەتكىزىلگەن. قازىر وتە اۋىر جاعدايدا جانساقتاۋ بولىمىندە جاتىر.
ء«ورتتىڭ شىعۋ سەبەبى – گاز جابدىعىن پايدالانۋ كەزىندە قاۋىپسىزدىك شارالارىنىڭ بۇزىلۋى. وتباسىنىڭ باسقا مۇشەلەرىنىڭ ايتۋىنشا, وزدەرى گاز پليتاسىن گاز جەلىسىنە ارنايى مامانداردىڭ قاتىسۋىنسىز جالعاعان. بۇل – گاز جانە جىلىتۋ قۇرىلعىلارىن پايدالانۋ ەرەجەلەرىن ورەسكەل بۇزۋ» دەپ ءمالىم ەتتى ءباسپاسوز قىزمەتىنەن.