ازاماتتىق باستامالاردى قولداۋ ورتالىعىندا 2021 جىلدىڭ 4 ماۋسىمىندا جاريالانعان ۇەۇ-عا مەملەكەتتىك گرانتتاردى بەرۋ كونكۋرسىنا قاتىسۋ ءۇشىن وتىنىمدەردى قابىلداۋ اياقتالدى, دەپ حابارلايدى Egemen.kz.
الدىن الا قورىتىندى بويىنشا, ازاماتتىق باستامالاردى قولداۋ ورتالىعى 67 ۇكىمەتتىك ەمەس ۇيىمنان 111 ءوتىنىم كەلىپ ءتۇستى.
اتاپ ايتقاندا, مەملەكەتتىك تىلدە - 33, ورىس تىلىندە - 78 ءوتىنىم بەرىلدى.
ۇەۇ ءۇشىن مەملەكەتتىك گرانتتاردى بەرۋ كونكۋرسىنا قاتىسۋعا 89 ءوتىنىم كونكۋرستىڭ سوڭعى كۇنى بەرىلدى.
«ورتالىق جۇمىسىنىڭ ۇلكەن جەتىستىگى - قازاقتىلدى وتىنىمدەردىڭ ايتارلىقتاي ءوسۋى. ەگەر اقپان ايىندا وتىنىمدەردىڭ تەك 16 %-ى قازاقتىلدى ۇەۇ-دان بولسا, قازىر - ءاربىر ۇشتەن ءبىرى مەملەكەتتىك تىلدە. دەمەك, ءبىز دۇرىس باعىتتى تاڭدادىق», دەدى ازاماتتىق باستامالاردى قولداۋ ورتالىعى باسقارما ءتورايىمى ليما دياس.
قازىرگى ۋاقىتتا ورتالىق وتىنىمدەردى گرانتتار بەرۋ جانە ولاردىڭ ىسكە اسىرىلۋىنا باقىلاۋ قاعيدالارىندا جانە بەكىتىلگەن گرانتتار جوسپارىنا كوزدەلگەن تالاپتارعا سايكەستىگىن قاراستىرىپ جاتىر.