نۇر-سۇلتان قالاسىندا «مەملەكەتتىك قىزمەتتى جاڭعىرتۋ – مەملەكەتتىك باسقارۋ رەفورمالارىن تابىستى جۇرگىزۋدىڭ نەگىزگى فاكتورى» تاقىرىبىندا سەمينار ءوتتى. اتالعان ءىس-شارا قر مەملەكەتتىك قىزمەت ىستەرى اگەنتتىگىنىڭ باستاماسىمەن وتكىزىلدى, دەپ حابارلايدى Egemen.kz.
سەمينارعا قر مەملەكەتتىك قىزمەت ىستەرى اگەنتتىگىنىڭ توراعاسى انار جايلعانوۆا, دۇنيەجۇزىلىك بانكتىڭ قازاقستانداعى تۇراقتى وكىلى جان-فرانسۋا مارتو, ۋكراينانىڭ مەملەكەتتىك قىزمەت ىستەرى جونىندەگى ۇلتتىق اگەنتتىگىنىڭ باسشىسى ناتاليا اليۋشينا, سونداي-اق ۇلتتىق ەكونوميكا, قارجى, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ, قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ وكىلدەرى قاتىستى.
سەميناردا اگەنتتىك توراعاسى مەملەكەتتىك قىزمەت سالاسىن تسيفرلاندىرۋ باعىتىندا جۇزەگە اسىرىلىپ جاتقان شارالار تۋرالى ايتتى.
«اگەنتتىك پەن مەملەكەتتىك قىزمەت پەرسونالىن باسقارۋدىڭ ۇلتتىق ورتالىعى قازىرگى ۋاقىتتا كادرلىق پروتسەستەردى كەزەڭ-كەزەڭىمەن تسيفرلاندىرۋدى ىسكە اسىرۋعا مۇمكىندىك بەرەتىن «iQyzmet» فۋنكتسيونالىن ازىرلەۋدە.ء بىزدىڭ بىلۋىمىزشە, ۋكراينا دۇنيەجۇزىلىك بانكتىڭ قولداۋىمەن پەرسونالدى باسقارۋدىڭ اقپاراتتىق جۇيەسىن (HRMIS) ازىرلەپ جاتىر. ول پەرسونالدى ىرىكتەۋدى, جالاقىنى ەسەپتەۋدى جانە جاردەماقى تولەۋدى قوسا العاندا, بىرقاتار فۋنكتسيانى بىرىكتىرەدى جانە اۆتوماتتاندىرادى», دەدى انار جايلعانوۆا.
دۇنيەجۇزىلىك بانكتىڭ قازاقستانداعى تۇراقتى وكىلى جان-فرانسۋا مارتو اگەنتتىك توراعاسىنا كونسترۋكتيۆتى ىنتىماقتاستىعى ءۇشىن العىس ايتىپ, سەميناردىڭ وزەكتى ەكەنىن اتاپ ءوتتى.
ۋكراينا مەملەكەتتىك قىزمەت ىستەرى جونىندەگى ۇلتتىق اگەنتتىگىنىڭ باسشىسى ناتاليا اليۋشينا قاتىسۋشىلارعا ءوز مەملەكەتىندە ىسكە اسىرىلىپ جاتقان پەرسونالدى باسقارۋدىڭ اقپاراتتىق جۇيەسىن (HRMIS) تانىستىردى.
سەمينار سوڭىندا قاتىسۋشىلار مەن ساراپشىلار ەركىن پىكىر الماسىپ, ءىس-شارانى ۇيىمداستىرۋشىلارعا العىس ءبىلدىردى.