مىنە, ەسكى جىلدى تاريح ەنشىسىنە قالدىرىپ, تاعى ءبىر جاڭا جىلدىڭ پاراعىن اشىپ وتىرمىز. جىلدار توعىسىندا تۇرعاندا «نە بىتىردىك, الدا قانداي ماقساتتار بار؟» دەگەن وي اركىمنىڭ كوڭىلىندە تۇرادى. قاسيەتتى تاۋەلسىزدىگىمىزدى العالى ۋاقىت قازاق ەلىنىڭ ەنشىسىنە جۇمىس ىستەپ جاتقانداي سەزىلەدى. قازىر ەكونوميكامىز قارىشتاپ دامىپ كەلەدى. ۇدەمەلى يندۋستريالىق-يننوۆاتسيالىق باعدارلاما شەڭبەرىندە جىل سايىن قۋاتتى جوبالار ومىرگە جولداما الىپ جاتادى. جىل اياعىندا ەلباسىمىز قاتىسقان تەلەكوپىردە ەلىمىزدىڭ ءار شالعايىندا ىسكە قوسىلعان تالاي وندىرىستەر مەن كاسىپورىنداردى تاماشالادىق. نۇرسۇلتان نازارباەۆ الدا اتقارىلار, ەكونوميكانى دامىتۋدا نازارعا ۇستار تۇستاردى ورتاعا سالدى. جىلقى جىلىندا دا ەلىمىزدىڭ ەكونوميكاسى سەرپىندى داميتىنىنا كوزىمىز جەتكەندەي, كوڭىلگە قازىردەن-اق قۋانىش ۇيالاعانداي بولادى.
مىنە, ەسكى جىلدى تاريح ەنشىسىنە قالدىرىپ, تاعى ءبىر جاڭا جىلدىڭ پاراعىن اشىپ وتىرمىز. جىلدار توعىسىندا تۇرعاندا «نە بىتىردىك, الدا قانداي ماقساتتار بار؟» دەگەن وي اركىمنىڭ كوڭىلىندە تۇرادى. قاسيەتتى تاۋەلسىزدىگىمىزدى العالى ۋاقىت قازاق ەلىنىڭ ەنشىسىنە جۇمىس ىستەپ جاتقانداي سەزىلەدى. قازىر ەكونوميكامىز قارىشتاپ دامىپ كەلەدى. ۇدەمەلى يندۋستريالىق-يننوۆاتسيالىق باعدارلاما شەڭبەرىندە جىل سايىن قۋاتتى جوبالار ومىرگە جولداما الىپ جاتادى. جىل اياعىندا ەلباسىمىز قاتىسقان تەلەكوپىردە ەلىمىزدىڭ ءار شالعايىندا ىسكە قوسىلعان تالاي وندىرىستەر مەن كاسىپورىنداردى تاماشالادىق. نۇرسۇلتان نازارباەۆ الدا اتقارىلار, ەكونوميكانى دامىتۋدا نازارعا ۇستار تۇستاردى ورتاعا سالدى. جىلقى جىلىندا دا ەلىمىزدىڭ ەكونوميكاسى سەرپىندى داميتىنىنا كوزىمىز جەتكەندەي, كوڭىلگە قازىردەن-اق قۋانىش ۇيالاعانداي بولادى.
ۋاقىت وزعان سايىن جاھاندانۋ ۇدەرىسى ۇدەي تۇسكەن كەزدە ءبىز دە بۇكىل الەممەن ءبىر كەمەنىڭ ۇستىندەگىدەي سەزىنەمىز. سوندىقتان الەم ەكونوميكاسىنىڭ تۇراقتىلىعى قازاقستانعا دا ىقپالدى بولادى. بۇل ورايدا, جاڭا جىلدا ەلباسى ساياساتىنىڭ جەتىستىگى كورىنۋگە ءتيىس دەپ ويلايمىن. ەلىمىزدە «جاسىل ەكونوميكا» باعدارلاماسى تۇجىرىمدالدى. بۇل جاڭا تەحنولوگيالار, ادىستەر, ەڭبەك ونىمدىلىگى مەن جەراستى بايلىعىن ۇنەمدى تۇتىنۋ, ونىڭ سارقىلۋىنا, سول ارقىلى ەكولوگيالىق تەڭدىكتى ساقتاۋ ەكەنى جۇرتتىڭ بارلىعىنا ايان, تۇسىنىكتى بولىپ وتىر. 2017 جىلى ەلىمىزدە وتەتىن ەكسپو-2017 حالىقارالىق كورمەسىنىڭ تاماشالارى دا وسىنداي الەمدىك وزەكتى باعىتقا ارنالماق. جاڭا جىلدا الەمدىك دەڭگەيدەگى تاڭدانارلىق جاڭا تەحنولوگيالار ەكونوميكانىڭ بارلىق سالالارىنا ەنگىزىلە بەرەرىنە كەپىلمىن.
ەكونوميكا مەن الەۋمەتتىك سالا توننىڭ ىشكى باۋىنداي ۇيلەسىمدى بولعاندا, دامۋدىڭ دا جولى داڭعىل. ونىڭ ىشىندەگى بەلدىسىنىڭ ءبىرى – ءبىلىم بەرۋ سالاسى دەر ەدىك. قوستاناي مەملەكەتتىك پەداگوگيكا ينستيتۋتىن بىتىرگەن تۇلەكتەردىڭ بىلىكتىلىك دەڭگەيىنە جۇمىس بەرۋشىلەر جاقسى باعا بەرىپ وتىر. بۇل ءبىلىم ورداسىنىڭ رەيتينگىن كوتەرىپ تاستادى. الداعى جىلى «ديپلوممەن – اۋىلعا!» باعدارلاماسىنىڭ ورىندالۋى قارقىن الادى دەپ سەنەمىن. جاس ماماندار اۋىلعا بەت العاندا, ولارمەن بىرگە مەكتەپتەرگە جاڭا لەپ, جاڭا كۇش بارادى. بۇل اۋىل مەكتەپتەرى مەن قالانىڭ ءبىلىم وشاقتارىنداعى وقۋ ساپاسىنىڭ تەڭەسۋىنە جاعداي جاسايدى. «مەن جاستارعا سەنەمىن!» دەگەن جوق پا ەدى ماعجان اقىن؟! پەداگوگيكاداعى كادرلار جاسارۋى مەن جاڭاشىلدىعى ءبىلىم ساپاسىنىڭ كوتەرىلۋىنە كەپىل. جاڭا جىلدا وسى باعىتتا كوپ جۇمىستاردى ويلاستىرىپ وتىرمىز.
اۋىل – ءبىزدىڭ ءتۇپ تامىرىمىز, ۇلتتىق تاربيە مەن ۇلتتىق پەداگوگيكانىڭ قاينار باستاۋى. ونى جاڭعىرتۋ ءۇشىن ەلىمىزدە, ءبىزدىڭ وبلىستا دا كوپتەگەن باعدارلامالار جۇزەگە اسىپ كەلەدى. دەگەنمەن, جىلقى جىلى اۋىلدى گازداندىرۋ جانە اۋىزسۋ اپارۋ جۇمىستارى اۋقىمدىراق جۇرگىزىلسە, اۋىلداردىڭ بەرەكەسى كىرە تۇسسە دەگەن تىلەگىم بار. ەلدىڭ قالاعا ىزعىپ كوشۋى ازايسا ەكەن دەيمىن. جىل سايىن وبلىس كارتاسىنان بىرنەشە اۋىل سىزىلىپ تاستالادى. بابالار مۇرات ەتكەن ۇلان-بايتاق جەردە اق شاڭقان اۋىلداردىڭ قونىسى, قاراسى كوبەيسە ەكەن دەيمىن. جىلقى جىلى ەلىمىزدەگى جاقسى ىستەر جالعاسىن تاپسا, اۋىل كوركەيەدى, ەكونوميكا داميدى, ءبىلىم ساپاسى كوتەرىلە بەرەدى. ويتكەنى, وركەندى ەلدىڭ بولاشاققا باستار باعىتى دا وسى ەمەس پە؟ جاڭا جىل قۇتتى, بەيبىت, بەرەكەلى جىل بولسىن!
قۋات بايمىرزاەۆ,
قوستاناي مەملەكەتتىك پەداگوگيكالىق
ينستيتۋتىنىڭ رەكتورى.