ءورتتى سوندىرۋگە 81 قىزمەتكەر, 24 تەحنيكا جۇمىلدىرىلدى, دەپ حابارلايدى Egemen.kz.
الماتىدا بىرنەشە تاۋار قويماسى ورتەنىپ كەتتى. وقيعا جەتىسۋ اۋدانى, سولتۇستىك اينالما جول, 87گ مەكەنجايىندا بولعان.
قالالىق توتەنشە جاعدايلار دەپارتامەنتىنىڭ حابارلاۋىنشا, ءورت شىققانى تۋرالى حابار 101 پۋلتىنە ساعات 04:44-تە تۇسكەن. ءورت سوندىرۋشىلەر 5 مينۋتتا وقيعا ورنىنا بارىپ, جالىننىڭ باسقا قويمالارعا دا قاۋىپ ءتوندىرىپ تۇرعانىن انىقتادى.
ءتىلسىز جاۋدى اۋىزدىقتاۋ ءۇشىن ارنايى شتاب جاساقتالىپ, 81 قىزمەتكەر مەن 24 تەحنيكا جەتكىزىلدى. ءتورت ۋچاسكە قۇرىلدى. اۆياتسيا كۇشى تارتىلدى.
ساعات 8:19-دا ءورت تولىقتاي ءسوندىرىلدى.
ءورت اۋماعى مەن سەبەبى انىقتالىپ جاتىر.