شىعىس قازاقستان وبلىسىندا سەگىز جاستاعى قىز ويناپ ءجۇرىپ سۋعا قۇلاپ, باتىپ كەتتى. ونى قۇتقارۋعا تىرىسقان اناسى سۋعا تۇسكەن, بىراق ول دا اعىنعا قارسى تۇرا الماعان, دەپ حابارلايدى Egemen.kz.
قايعىلى وقيعا التاي اۋدانى زۋبوۆسك اۋىلىنداعى بۇقتىرما وزەنىندە بولعان.
«وزەن جاعاسىندا ويناپ جۇرگەن سەگىز جاستاعى قىز سۋعا قۇلاپ, باتىپ كەتتى. كۋاگەرلەردىڭ ايتۋىنشا, اناسى قىزىن قۇتقارۋعا تىرىسقان, بىراق ول دا جۇزە الماعان. ايەل 1994 جىلعى», دەدى شقو تجد ءباسپاسوز قىزمەتى وكىلى.
قۇتقارۋشىلاردىڭ ايتۋىنشا, ايەلدىڭ دەنەسى بالا سۋعا باتقان جەردەن 10 شاقىرىمنان اسا جەردەن تابىلعان.
شقو تجد مالىمەتى بويىنشا, سۋعا شومىلۋ ماۋسىمى باستالعاننان بەرى وبلىستا سەگىز ادام سۋعا باتىپ كەتكەن, ولاردىڭ ەكەۋى - بالا.