تۇزەۋ مەكەمەسىندە كوپ جىلدار ەڭبەك ەتكەن قىزمەتكەرلەردىڭ ءبىرى زەينەتكە شىعارىلىپ, ەندى ءبىرى ءتوس بەلگىمەن ماراپاتتالدى, دەپ حابارلايدى Egemen.kz.
وسكەمەندەگى وۆ-156/1 ۋاقىتشا ۇستاۋ يزولياتورىنىڭ ۇجىمى سالتاناتتى تۇردە كوپ جىلدار قىزمەت ەتكەن قۋانىش قۇرمانعاليەۆكە قۇرمەت كورسەتىپ, زەينەتكەرلىككە شىعارىپ سالدى, ال باقىلاۋشى قۋات قۋاندىق ۇلىنا ىشكى ىستەر ءمينيسترىنىڭ اتىنان توسبەلگى تابىستالدى.
– العىس پەن قۇرمەتكە بولەنگەن ەكى قىزمەتكەردىڭ دە ەڭبەگى ەلەۋلى. قۇقىق قورعاۋ سالاسىندا جۇمىس ىستەۋ, ونىڭ ىشىندە تۇزەۋ مەكەمەلەرىندە قىزمەت اتقارۋ ەرەكشە شىدامدىلىقتى قاجەت ەتەدى, – دەدى قۋانىش قۇرمانعاليەۆ.
قۋانىشتىڭ ەندىگى ارمانى – شاعىن جەكە كاسىپ اشىپ, سونى دوڭگەلەتۋ.
ال ەڭبەگى ەلەنىپ, باسشىلىقتىڭ كوزىنە تۇسكەن كاتونقاراعايلىق قۋات قۋاندىق ۇلى قىزمەتىن اەروۇتقىر اسكەرىندە باستاعان. بۇگىندە ول ۋاقىتشا ۇستاۋ يزولياتورىندا باقىلاۋشى. ءوز ىسىنە ادال, ءارى قىراعىلىق تانىتقانى ءۇشىن ەڭبەگى ەلەنىپ, ءتوس بەلگىسىمەن ماراپاتتالدى.