ءبىلىم ءمينيسترى مەكتەپتەردەگى قاۋىپسىزدىك ءۇشىن قانشا قارجى كەرەك ەكەنىن ايتتى

ء«بىلىم مەن عىلىم جانە ىشكى ىستەر مينيسترلىكتەرىنىڭ بىرلەسىپ جۇرگىزگەن مونيتورينگى وسى كامەرالاردىڭ 55% عانا تالاپتارعا ساي ەكەنىڭ كورسەتتى. بۇل ماسەلەلەردى شەشۋ ءۇشىن جەرگىلىكتى بيۋدجەتتەردەن 1,4 ملرد تەڭگە قاراجات قاراستىرىلدى. وسىعان بايلانىستى سولتۇستىك قازاقستان مەن شىعىس قازاقستان وبلىستارىندا بەينەباقىلاۋ جۇيەلەرى ماسەلەسى شەشىمىن تاپسا, تۇركىستان, اتىراۋ, جامبىل وبلىستارىندا قاراجات جەتكىلىكسىز دەڭگەيدە قاراستىرىلعان. جەرگىلىكتى اكىمدىكتەرگە ءتيىستى قاراجات بولۋلەرىن سۇرايمىز», دەدى ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا.

ونىڭ سوزىنشە, ءبىلىم بەرۋ ۇيىمدارىندا دابىل تۇيمەلەرىن ورناتۋ جۇمىستارى جۇزەگە اسۋدا. بۇگىندە ولاردىڭ سانى – 648. الماتى مەن نۇر-سۇلتان قالالارىندا بۇل ماسەلە تولىق شەشىلگەن.

«پروبلەمانى شەشۋ ءۇشىن جەرگىلىكتى بيۋدجەتتەن 980 ملن تەڭگە سوماسىندا قاراجات كوزدەلگەن. بىراق بۇل ءالى دە جەتكىلىكسىز. تۇركىستان, پاۆلودار, باتىس قازاقستان وبلىستارىندا قاراجات تولىق قاراستىرىلماعان»,  دەيدى ا. ايماعامبەتوۆ.