بۇل كۇندەرى گرۋزيانىڭ باس شاھارى – تبيليسيدە سۋ دوبىنان ەرلەر اراسىنداعى الەمدىك ليگانىڭ سۋپەرفينالدىق سايىستارى ءوتىپ جاتىر, دەپ حابارلايدى Egemen.kz.
وسى جارىستاعى تۇساۋكەسەر كەزدەسۋىن قازاقستان قۇراماسى يتالياعا قارسى وتكىزدى. وليمپيا ويىندارى مەن ەۋروپا بىرىنشىلىگىندە ءۇش رەت باس جۇلدەنى ولجالاپ, الەم چەمپيوناتىندا ءتورت مارتە توپ جارعان ايگىلى كومانداعا جەرلەستەرىمىز ايتارلىقتاي قارسىلىق كورسەتە المادى. العاشقى مينۋتتاردان تىزگىندى قولعا العان اپەننين تۇبەگىنىڭ تۇلەكتەرى قورىتىندى ەسەپتە 17:11 ەسەبىمەن جەڭىسكە جەتتى.
بۇگىن وتانداستارىمىز فرانتسيانىڭ ۆاتەرپولشىلارىمەن شەبەرلىك بايقاستى. بۇل كەزدەسۋدە ءبىزدىڭ جىگىتتەر نەبارى ءبىر دوپ ايىرماشىلىعىمەن جەڭىلىپ قالدى – 11:12.