سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى اقتوبە وبلىسىنداعى جۇمىستاردى تەكسەردى, دەپ حابارلايدى Egemen.kz.
دەپۋتاتتار ءوڭىر باسشىلىعىمەن, كاسىپكەرلەرمەن جانە ساراپشىلارمەن بىرلەسە وتىرىپ 2020-2025 جىلدارعا ارنالعان «نۇرلى جەر» مەملەكەتتىك باعدارلاماسىن ىسكە اسىرۋ جانە يندۋستريالىق ايماقتاردى دامىتۋ ماسەلەلەرىن تالقىلادى.
پالاتا دەپۋتاتى س.لۇقپانوۆ وتكەن جىلى «ارنايى ەكونوميكالىق جانە يندۋستريالىق ايماقتار تۋرالى» زاڭ قابىلدانعانىن ەسكە سالا كەلىپ, يندۋستريالىق ايماقتاردى زاڭنامالىق جەتىلدىرۋ ماسەلەسىندەگى پروبلەمالار سەناتورلاردىڭ باقىلاۋىندا ەكەنىن اتاپ ءوتتى.
ء«بىزدىڭ كوشپەلى وتىرىسىمىزدىڭ نەگىزگى ماقساتىنىڭ ءبىرى - ناقتى ءوندىرىستى مەملەكەتتىك ىنتالاندىرۋداعى كەلەشەگى زور قۇرالداردىڭ ءبىرى رەتىندە يندۋستريالىق ايماقتاردىڭ قىزمەتىمەن تانىسۋ بولىپ وتىر. وسىعان بايلانىستى ءبىز ولاردىڭ دامۋ قارقىنىن تەجەيتىن پروبلەمالىق ماسەلەلەردى انىقتاۋىمىز كەرەك», دەدى سەناتور.
دەپۋتاتتار سونداي-اق نىسانداردى ارالاپ, «نۇرلى جەر» مەملەكەتتىك باعدارلاماسىن ىسكە اسىرۋ بارىسىمەن تانىستى. سونداي-اق, بىرقاتار كاسىپورىنداردا, ونىڭ ىشىندە جىلىجايلاردا, رەلس قۇراستىراتىن جانە فەرروقورىتپا زاۋىتتارىندا بولدى.