الماتى وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى وتىرعان كولىككە وق اتىلدى, دەپ حابارلايدى Egemen.kz.
وقيعا الماتى-تالدىقورعان جولىنداعى ارقارلى اسۋىنىڭ ماڭىندا بولعان.
«26 ماۋسىم كۇنى ساعات 12:20 شاماسىندا پوليتسياعا ارقارلى اسۋىنىڭ ماڭىندا جول ەرەجەسىنە بايلانىستى جانجال تۋىنداپ, كولىككە وق اتىلعانى جونىندە حابارلاما ءتۇستى. وق اتىلعان كولىكتە الماتى وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى ەرجان ورازبەكوۆ بولعان. زارداپ شەككەندەر جوق. قازىر بۇل فاكتى بويىنشا قر قىلمىستىق كودەكسىنىڭ 293-بابى 3-بولىگى بويىنشا سوتقا دەيىن تەرگەۋ باستالىپ, بۇزاقىلاردى ىزدەۋ جۇمىستارى جۇرگىزىلىپ جاتىر. كولىككە كىمنىڭ وق اتقانى بەلگىسىز», دەلىنگەن الماتى وبلىستىق پد ءباسپاسوز قىزمەتى تاراتقان حابارلامادا.