بۇگىن گرۋزيا استاناسى تبيليسيدە سۋ دوبىنان ەرلەر الەمدىك ليگاسىنىڭ سۋپەرفينالى وتەدى. تۋرنيرگە قازاقستان كومانداسى دا قاتىسادى, دەپ حابارلايدى Egemen.kz.
قر ۇلتتىق وليمپيادا كوميتەتىنىڭ مالىمدەۋىنشە, قازاقستاندىق سۋ دوبىنىڭ شەبەرلەرى جاپونيا, گرۋزيا جانە يتاليا كوماندالارىمەن بىرگە ا توبىنا ءتۇستى.
ۆ توبىنا چەرنوگوريا, اقش, گرەتسيا جانە فرانتسيا كوماندالارى ەنگەن.
ءبىرىنشى ويىندا قازاقستان قۇراماسى يتاليا كومانداسىمەن كەزدەسەدى. ويىن نۇر-سۇلتان ۋاقىتىمەن 22:00-دە باستالادى.