قازاقستاننىڭ تۇڭعىش پرەزيدەنتىنىڭ توراعالىعىمەن «سامۇرىق-قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ وتىرىسى ءوتتى. بۇل تۋرالى Egemen.kz ەlbasy.kz سايتىنا سىلتەمە جاساپ حابارلايدى.
جيىندا كەڭەس شەشىمدەرىنىڭ ورىندالۋ ناتيجەلەرى بويىنشا باياندامالار تىڭدالىپ, قوردىڭ بولاشاق ينۆەستيتسيالىق جوبالارىنىڭ باعىتتارى تالقىلاندى.
نۇرسۇلتان نازارباەۆ «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى باسقارماسىنىڭ توراعاسى ا.ساتقاليەۆتىڭ اقپاراتىن تىڭداي كەلە, قور جۇمىسىنا وڭ باعا بەردى. دۇنيەجۇزىلىك داعدارىستىڭ قازاقستان ەكونوميكاسىنا اسەرىنە قاراماستان, قور 2020 جىلدى تابىستى اياقتاعانى ايتىلدى.
كەڭەس مۇشەلەرى «سامۇرىق-قازىنا» ۇلتتىق كومپانياسىنىڭ ساتىپ الۋ كەزىندەگى جەرگىلىكتى ۇلەستى ارتتىرۋعا باعىتتالعان تاسىلدەرىنە, سونداي-اق وتاندىق تاۋار وندىرۋشىلەردى قورعاۋ شارالارىنا قولداۋ ءبىلدىردى. ۇلتتىق ءال-اۋقات قورىن باسقارۋ جونىندەگى كەڭەستىڭ توراعاسى پاندەميا جاعدايىندا ۇكىمەت ۇلتتىق ەكونوميكانى قولداۋ ءۇشىن بارلىق تەتىكتەردى بەلسەندى ءارى ءتيىمدى پايدالانىپ جاتقانىن اتاپ ءوتتى.
سونىمەن قاتار كەڭەس بارىسىندا «قازمۇنايگاز» ۇلتتىق كومپانياسى» اكتسيونەرلىك قوعامى مەن «قازاقتەلەكوم» اكتسيونەرلىك قوعامى باسشىلارىنىڭ ەسەبى تىڭدالدى.
جيىن قورىتىندىسى بويىنشا ۇلتتىق ءال-اۋقات قورىن باسقارۋ جونىندەگى كەڭەستىڭ توراعاسى بىرقاتار ناقتى تاپسىرما بەردى.