الماتىداعى قۇرىلىس الاڭىندا جۇمىسشى قازا تاپتى. پوليتسيا تەكسەرىپ جاتىر, دەپ حابارلايدى Egemen.kz.
الماتى قالالىق پوليتسيا دەپارتامەنتى جۇمىسشىنىڭ ولىمىنە قاتىستى قىلمىستىق كودەكستىڭ 156-بابى «ەڭبەكتى قورعاۋ ەرەجەلەرىن بۇزۋ» بويىنشا سوتقا دەيىنگى تەرگەۋ باستالعانىن حابارلادى.
سوت-مەديتسينالىق ساراپتاما تاعايىندالدى.
«تەرگەۋ شارالارى مەن ساراپتامالىق زەرتتەۋلەر كەشەنى وتكىزىلەدى, ونىڭ ناتيجەلەرى بويىنشا ىسكە پروتسەستىك شەشىم قابىلدانادى», دەدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.