رەسەيدە كورونوۆيرۋس ينفەكتسياسىنىڭ ءۇشىنشى تولقىنى ءجۇرىپ جاتىر, دەپ حابارلايدى Egemen.kz.
ەل استاناسى مەن ماسكەۋ وبلىسىندا ساۋدا, ءسان سالوندار, سپا, مونشا, فيتنەس-كلۋبتار, باسسەين, قوعامدىق تاماقتانۋ, قارجى مەكەمەلەرى, پوشتا, مقو, قوعامدىق كولىكتەر (سونىڭ ىشىندە تاكسي قىزمەتى), ءبىلىم بەرۋ, دەنساۋلىق ساقتاۋ, تۇرعىن-ءۇي كوممۋنالدىق شارۋاشىلىعى جانە ەنەرگەتيكا سالالارى قىزەتكەرلەرىن مىندەتتى ۆاكتسيناتسيدان وتكىزۋ تۋرالى شەشىم قابىلداندى.
ماسكەۋ مەرى س.سوبيانين رەسەي استاناسىنداعى ەپيدەميولوگيالىق جاعدايدىڭ ۋشىققانىن حابارلادى. ونىڭ مالىمەتتەرىنە قاراعاندا, قالاداعى ۆيرۋستىڭ تارالۋ كورسەتكىشى وتكەن جىلعى ەڭ جوعارى ماندەر دەڭگەيىنە جەتكەن.
قازىرگى ۋاقىتتا 12 مىڭنان استام ادام اۋرۋحانادا جاتىر. تەك وتكەن تاۋلىكتىڭ وزىندە ىندەتتەن 70 ناۋقاس كوز جۇمعان. رەسەيدە سوڭعى 24 ساعات ىشىندە COVID-19-دىڭ 13,3 مىڭ جاڭا دەرەگى تىركەلگەن.