فاتيما حانشانىڭ كامزولى

فاتيما – رەسەيدىڭ تۇڭ­عىش ءمۇفتيى مۇحامەدجان حۇسايى­نوۆ­تىڭ قىزى, جاڭگىر حاننىڭ جارى. ياعني ول قازاق حاندارى اۋلەتىنىڭ كەلىنى. وتە ءبىلىمدى ءارى قابىلەتتى جان بولعان ەكەن. اعارتۋشىلىققا ءوز ۇلەسىن قوسىپ, قىزدارعا ار­نال­عان  مەك­تەپ اشقان. فاتيما ورىس, نەمىس, فرانتسۋز تىلدەرىن جەتىك بى­لۋمەن قاتار, فورتەپيانودا ويناي العان. ول – پاراساتىمەن ەرەكشەلەنگەن قازاق حانشاسى. فاتيما نيكولاي ءى پاتشانىڭ تاققا وتىرۋ راسىمىندە ءوزىنىڭ ءسان-سالتاناتىمەن كوزگە تۇسەدى. سون­دا كيگەن قازاق كامزولى قا­زىر ۇلتتىق مۋزەيدە ساقتاۋلى تۇر. قىزىل كامزولدىڭ ەتەك جاعى التىن جىپپەن ادىپتەلگەن. تۇپ­نۇسقا ۇلگىسىن ساقتاي وتىرىپ, جاڭعىرتىپ قايتا تىككەن –  ايجان ابدۋبايتوۆا. قازاقتىڭ ۇلت­تىق كيىمىنىڭ جارقىن ۇل­گىسى رەتىندە ەتنوگرافيا زالىن­دا تۇر. فاتيمانىڭ تاريحي بەدەلى, اسىرەسە, نيكولاي ءى پاتشا­نىڭ تاققا وتىرۋ سالتاناتى كە­زىن­دەگى ساتپەن بايلانىستىرى­لادى. ماسەلەن, تىلەكقابىل بورانعا­لي ۇلىنىڭ «جاڭگىر حان» تاريحي رومانىندا بۇل وقيعا: «توي-دۋماننىڭ ءبىر ساتىندە ەۋروپادان كەلگەن اۋلەتتىك اتاعى بار كەربەزدەر مەن ورىس ەليتاسىنىڭ قىپ­شا بەلدەرىن بي زالىنىڭ شە­تىنە ىعىستىرىپ, نيكولاي مەن فاتيما ۆالسپەن قالىقتادى», دەپ بەينەلەنگەن ەدى.

ايتولعان ءجۇنىسحان,

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى