كۇنى كەشە 2021 جىلدىڭ 23 ناۋرىزىندا تسسكا كلۋبىنىڭ باسشىسى بولىپ تاعايىندالعان يۆيتسا وليچ قىزمەتىنەن كەتەتىنىن حابارلادى, دەپ جازادى Egemen.kz. جاڭا باپكەر ءالى انىقتالا قويماسا دا رەسەيلىك باق كلۋبتىڭ ەندىگى جاتتىقتىرۋشىسى قازاقستاندىق باپكەر بولۋى مۇمكىن دەگەن اقپارات تاراتتى.
رب سپورت پورتالىنىڭ حابارلاۋىنشا, ارمەنيا مەن قازاقستان ازاماتتىعى بار, توبىل فك-نى باسقارعان 41 جاستاعى گريگوري بابايان رەسەيلىك تسسكا-نىڭ باس باپكەرى بولۋى مۇمكىن.
بابايان ءبىراز ۋاقىت بۇرىن تسسكا-دا تاعىلىمدامادان وتكەن, ول كەزدە كلۋبتى ۆيكتور گونچارەنكو باسقارعان. «توبىلعا» دەيىن ول «استانا» فك-دا جۇمىس ىستەگەن.