جىل باسىنان بەرى قازاقستان اۋماعىنان 2,5 مىڭ زاڭسىز ميگرانت ءوز ەرىكتەرىمەن شىقتى. بۇل تۋرالى ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى, دەپ حابارلايدى Egemen.kz.
«ىشكى ىستەر مينيسترلىگى پاندەميا باستالعان ساتتەن داعدارىسقا قارسى تۇراقتاندىرۋ, ونىڭ ىشىندە ميگرانتتاردىڭ قۇقىقتارىن قورعاۋ ءىس-شارالارىن جۇرگىزدى. قازاقستاندا بولۋعا رۇقسات قۇجاتتارىنىڭ مەرزىمى وتكەن شەتەلدىكتەردىڭ قۇقىقتىق مارتەبەسىن انىقتاۋ نەمەسە ولاردى ءۇشىنشى ەل ارقىلى ەلدەن شىعۋلارىن ۇيىمداستىرۋ جۇمىستارىن ۇيىمداستىردى. ءىىم كوشى-قون قىزمەتىنىڭ, شەت مەملەكەتتەردىڭ وكىلدىكتەرىنىڭ جانە حالىقارالىق كوشى-قون ۇيىمنىڭ جاردەمىمەن مۇنداي ادامدارعا رۇقسات قۇجاتتارىن راسىمدەۋگە كومەك كورسەتىلدى», دەدى ءنۇردىلدا وراز.
ونىڭ دەرەگىنشە, جىل باسىنان بەرى تولقۇجاتتارىنىڭ مەرزىمى وتكەن 675 شەتەلدىك ەلىنە ورالۋ ءۇشىن كۋالىك الدى. سونىمەن قاتار پوليتسيا قىزمەتكەرلەرى 2,5 مىڭ زاڭسىز ميگرانتتىڭ ەل اۋماعىنان ءوز ەرىكتەرىمەن شىعۋىنا كومەك كورسەتتى.