باق وكىلدەرى اراسىندا «قازاقستان تاۋەلسىزدىگى جانە ەلباسى» كونكۋرسى جاريالاندى

كونكۋرستىڭ ماقساتى – قازاقستاندىق مەملەكەتتىلىكتىڭ نەگىزى رەتىندەگى ەلباسىنىڭ يدەيالارى مەن باستامالارىن كوپشىلىككە تاراتۋ, حالىقارالىق كەڭىستىكتە ەلىمىزدىڭ تاۋەلسىزدىك جىلدارىنداعى جەتىستىكتەرىن اقپاراتتىق-يميدجدىك ىلگەرىلەتۋ, باسپا جانە ەلەكتروندىق باق قىزمەتكەرلەرىنىڭ ءوزىن-ءوزى شىعارماشىلىق تۇرعىدان دامىتۋى مەن كاسىبي ءوسۋى ءۇشىن مورالدىق جانە ماتەريالدىق ىنتالاندىرۋ, حالىقارالىق جۋرناليستەر قاۋىمداستىعىندا كەلەشەگى بار جاڭا ەسىمدەردى انىقتاۋ.

كونكۋرس بەس نوميناتسيا بويىنشا وتكىزىلەدى:

 «ۇزدىك تەلەديدار ماتەريالى»; «ۇزدىك راديوماتەريال»; «گازەتتەر مەن جۋرنالدارداعى ۇزدىك ماقالا»; «عالامتورداعى ۇزدىك جاريالانىم»; «شەتەلدىك باق-تاعى ۇزدىك جاريالانىم».

كونكۋرسقا كاسىپقوي جۋرناليستەر جەكە جانە ۇجىمدىق نەگىزدە دە قاتىسا الادى.

كونكۋرسقا 2020 جىلعى 10 قازان مەن 2021 جىلعى 10 قازان (قوسا العاندا) ارالىعىندا رەسمي جارىققا شىققان (جاريالانعان, ەفيرگە شىعارىلعان, عالامتوردا ورنالاستىرىلعان) بىرەگەي اۆتورلىق ماتەريالدار قابىلدانادى.

كونكۋرستىڭ قورىتىندىسىن قۇرامىنا بەلگىلى جۋرناليستەر, قازاقستاننىڭ كورنەكتى مەملەكەت جانە قوعام قايراتكەرلەرى ەنگەن كونكۋرس كوميسسياسى شىعارادى. جەڭىمپازداردى ماراپاتتاۋدىڭ سالتاناتتى ءراسىمى تاۋەلسىزدىك كۇنى قارساڭىندا وتكىزىلەدى.

كونكۋرسقا قاتىسۋعا وتىنىمدەر 2021 جىلعى 20 قازانعا دەيىن (قوسا العاندا) كەلۋ تارتىبىمەن نەمەسە پوشتا ارقىلى مىنا مەكەنجايدا: Z05S5X1, قازاقستان رەسپۋبليكاسى, نۇر-سۇلتان قالاسى, ءا.بوكەيحان كوشەسى, 1ا, 343 كاب., «قازاقستان تاۋەلسىزدىگى جانە ەلباسى» كونكۋرسىنا» دەگەن بەلگىمەن نەمەسە presidentlibrary.pr.kz@gmail.com ەلەكتروندى پوشتاسى ارقىلى قابىلدانادى. بايلانىس تەل.: (7172) 69-30-56, 69-30-57, 69-30-53, 693059).

كونكۋرستى وتكىزۋدىڭ شارتتارى مەن ۋاقىتى تۋرالى بارلىق اقپاراتپەن www.presidentlibrary.kz جانە www.fnn.kz سايتتارى ارقىلى تانىسۋعا بولادى.