اتىس امەريكانىڭ تەحاس شتاتىنداعى وستين قالاسىندا بولعان. بۇل تۋرالى قالالىق پوليتسيا ءبولىمى Twitter-دە حابارلادى, دەپ جازادى Egemen.kz.
توتەنشە جاعداي قىزمەتىنىڭ حابارلاۋىنشا, اتىس سالدارىنان 12 ادام زارداپ شەككەن. زارداپ شەككەندەردىڭ ءبىرىنىڭ جاعدايى اۋىر.
پوليتسيا اتىستى كىم ۇيىمداستىرعانى تۋرالى اقپارات تاراتپادى. Fox News الەۋمەتتىك جەلىلەردەگى حابارلامالارعا سۇيەنە وتىرىپ, وقيعا قالا ورتالىعىنداعى مەيرامحانادا بولعانىن جاريالادى.
ەستەرىڭىزدە بولسا, ءساۋىر ايىندا وستيندە كوشەدەگى اتىستان ءۇش ادام قازا تاپقان ەدى. پوليتسيانىڭ حابارلاۋىنشا, بەلگىسىز بىرەۋ قالا شەتىندەگى ەكى كوشەنىڭ قيىلىسىندا وق اتقان. پوليتسيا بۇل وقيعانىڭ تۇرمىستىق سيپاتتا بولعانىن انىقتاعان.