كاراتەدەن پاريجدە ءوتىپ جاتقان ليتسەنزيالىق تۋرنيردە نۇرقانات اجىقانوۆ باس جۇلدەنى ولجالاپ, توكيو وليمپياداسىنا قاتىساتىنداردىڭ تىزىمىنە قوسىلدى, دەپ حابارلايدى Egemen.kz.
75 كيلو سالماقتا ونەر كورسەتكەن قانداسىمىز فرانتسيانىڭ استاناسىندا كەرەمەت ونەر كورسەتتى. بارلىق قارسىلاسىن قوعاداي جاپىرعان نۇرقانات التىن تۇعىرعا كوتەرىلىپ, وليمپيا ويىندارىنىڭ جولداماسىنا يەلىك ەتتى. بۇل سالماقتا ەكىنشى ورىندى گەرمانيا سپورتشىسى يەلەنسە, ءۇشىنشى ورىنعا ماجارستاننىڭ وكىلى تابان تىرەدى.
وسىلايشا, كاراتەشىلەرىمىز ءۇشىنشى ليتسەنزياعا قول جەتكىزدى. بۇعان دەيىن دارحان ءاسادىلوۆ پەن ءمولدىر جاڭبىرباي سىندى مىقتىلارىمىز توكيوعا باراتىندار تىزىمىنە قوسىلعان ەدى.