قازاقستان حالقى اسسامبلەياسىندا قحا-نىڭ رەسمي وكىلى تاايىندالدى, دەپ حابارلايدى Egemen.kz.
الدىمەن قحا توراعاسىنىڭ ورىنباسارى – حاتشىلىق مەڭگەرۋشىسى مارات ءازىلحانوۆ اسسامبلەيانىڭ رەسمي وكىلىن تاعايىنداۋ نە ءۇشىن قاجەت بولعانىن ءتۇسىندىردى.
«اسسامبلەيانىڭ بىرىڭعاي رەسمي ۇستانىمى ايتىلۋى قاجەت ماسەلەلەر ءجيى تۋىنداپ جاتادى. اسسامبلەيا قۇرامىنا رەسمي تۇردە كىرۋ بارلىق وزەكتى جانە قوعامدىق ماسەلەلەر بويىنشا رەسمي ۇستانىمدى بىلدىرۋگە مۇمكىندىك بەرەدى», دەدى ول قحا كەڭەسىنىڭ كەڭەيتىلگەن وتىرىسىندا.
اتالمىش مىندەت قحا جۋرناليستەر كلۋبىنىڭ توراعاسى مايا بەكباەۆقا جۇكتەلەتىن بولدى.
«كاسىبي جۋرناليست مايا تولەگەنقىزى باق جۇمىسىن, سونداي-اق ەتنوسارالىق قاتىناستار تاقىرىبىن جاريا ەتۋدىڭ ەرەكشەلىكتەرىن جاقسى بىلەدى», دەدى مارات ءازىلحانوۆ.