نۇر-سۇلتان قالاسىنداعى بوتانيكالىق باقتا حالىقارالىق وليمپيادا كۇنىنە ارنالعان دۋاتلوننان «Duathlon Olympic day» ءتۋرنيرى ءوتتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ءىس-شارا نۇر-سۇلتان قالاسىنىڭ اكىمدىگى, NOMAD TriClub Iron Qazaqstan, نۇر-سۇلتان قالاسىنىڭ ترياتلون فەدەراتسياسى, ۇلتتىق وليمپيادا كوميتەتى قولداي وتىرىپ, «Nur Otan» پارتياسىمەن بىرلەسە ۇيىمداستىرعان.
ءار قاشىقتىقتىڭ ۇزىندىعى حالىقارالىق وليمپيادا كۇنىن اتاپ ءوتۋ داتاسىمەن (23.06.2021) بايلانىستى:
جۇگىرۋ – 6 كم – بوتانيكالىق باقتىڭ ىشىندە ۇلكەن شەڭبەردە 2 اينالىم;ۆەلو – 23 كم – بوتانيكالىق باقتىڭ اينالاسىندا 5 اينالىم;جۇگىرۋ – 2021 مەتر – بوتانيكالىق باقتىڭ ىشىندەگى ۇلكەن شەڭبەردە 1 اينالىم دەپ بەلگىلەندى.
جارىس جەڭىمپازدارى مەن جۇلدەرگەرى:ەرلەر اراسىندا:1 ورىن - دميتري اداموۆيچ2 ورىن - انتون چيكانكوۆ3 ورىن - قايرات قويانباەۆ
ايەلدەر اراسىندا:1 ورىن - اينا ۇسەنوۆا2 ورىن - اينۇر قۇشاروۆا3 ورىن - گۇلميرا امەنوۆا
قاتىسۋشىلارعا مارەدە ەستەلىك مەدالدار مەن سەرتيفيكاتتار تابىستالىپ, جارىس جەڭىمپازدارى دەمەۋشىلەر ۇسىنعان ارنايى سىيلىقتارمەن ماراپاتتالدى.
«مۇنداي جارىستار ادامعا جىگەر بەرەدى. سپورتپەن شۇعىلدانعان ادام ەشقاشان اۋىرمايدى. ءبارىڭىزدى سپورتپەن شۇعىلدانۋعا شاقىرامىن. سونداي-اق بۇگىنگى جارىستى ۇيىمداستىرۋعا كومەكتەسكەن نۇر-سۇلتان قالاسىنىڭ اكىمدىگىنە ەرەكشە العىسىمدى بىلدىرەمىن», دەپ اتاپ ءوتتى قالالىق ترياتلون فەدەراتسياسىنىڭ پرەزيدەنتى ەرجان ءبىرجانوۆ.