نۇرسۇلتان نازارباەۆ بەلگىلى مەملەكەت جانە قوعام قايراتكەرى مانۋرا احمەتوۆانىڭ قايتىس بولۋىنا بايلانىستى ونىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلايدى Egemen.kz.
قازاقستاننىڭ تۇڭعىش پرەزيدەنتى مانۋرا احمەتوۆانىڭ دۇنيەدەن وتۋىنە بايلانىستى اۋىر قايعىعا ورتاقتاسىپ, كوڭىل ايتتى.
«مانۋرا مەرعاليقىزى ءوزىنىڭ ەرەكشە تالابى مەن ماقساتكەرلىگى, قارىمدى قابىلەتى مەن قاجىرلى ەڭبەگى ارقىلى كەزىندە قازاق ايەلدەرى اراسىنان مينيسترلىك لاۋازىمعا دەيىن كوتەرىلگەن, قازاق كسر مينيسترلەر كەڭەسى توراعاسىنىڭ ورىنباسارى قىزمەتىن اتقارعان قايراتكەر تۇلعا بولاتىن.
ول ەلىمىزدىڭ ءوسىپ-وركەندەۋىنە, اسىرەسە الەۋمەتتىك سالانىڭ, مادەنيەت پەن ونەردىڭ, ءبىلىم بەرۋ مەن اعارتۋ ءىسىنىڭ دامۋىنا كوپ ەڭبەك ءسىڭىردى», دەلىنگەن جەدەلحاتتا.
ەلباسى مانۋرا احمەتوۆانىڭ عيبراتتى عۇمىرى ۇرپاققا ءاردايىم ۇلگى-ونەگە بولىپ قالا بەرەتىنىنە سەنىم ءبىلدىردى.