قوستانايدا قورادا تۇرعان مال تىرىدەي ورتەنىپ كەتتى

4 ماۋسىم كۇنى ساعات 14:09-دا قوستاناي وبلىستىق تجد نومىرىنە تسۆەتونايا كوشەسىندە 150 شارشى مەتر اۋماقتا قورا ورتەنىپ جاتقانى تۋرالى حابارلاما كەلىپ تۇسكەن. ءورت سوندىرۋشىلەر وقيعا ورنىنا ساعات 14:57-دە كەلىپ, جالىندى سوندىرۋگە كىرىستى.

ء«ورتتىڭ جاقىن تۇرعان جەكەمەنشىك ءۇيدىڭ بارلىق اۋماعىنا, سونداي-اق كورشى ۇيگە تارالىپ كەتۋى مۇمكىن ەدى. جالىنمەن كۇرەستە ءورت ءسوندىرۋ قىزمەتى جەكە قۇرامىنىڭ 15 مامانى مەن 4 تەحنيكاسى جۇمىلدىرىلدى. قورادان باسقا, ونىڭ ىشىندە تۇرعان مال – ءبىر جىلقى مەن 12 قوي ورتەنىپ كەتتى. سونداي-اق, ءورت كەزىندە سوندا جۇرگەن جالدامالى جۇمىسشى زارداپ شەكتى. بەتى مەن قولى كۇيگەن ول اۋرۋحاناعا بارۋدان باس تارتتى», دەپ حابارلادى تجد-دان.

ءورتتىڭ شىعۋ سەبەبى انىقتالىپ جاتىر. قورا ورتەنگەندە يەلەرى ۇيدە بولىپ, ول تۋرالى بىلمەگەن. ءورت سوندىرۋشىلەر جالىندى ساعات 15:19-دا تولىق ءسوندىردى.