«Astana Premier Tech» كلۋبىنىڭ ۆەلوشاباندوزى الەكسەي لۋتسەنكو فرانتسيادا ءوتىپ جاتقان «كريتەريۋم دوفينە» كوپكۇندىگىنىڭ جالپى ەسەبىندە كوش باسىنا شىقتى, دەپ حابارلايدى Egemen.kz.
التىنشى كەزەڭدە يسپانيالىق الەحاندرو ۆالۆەردە («Movistar Team») توپ جاردى. لورول-سيۋر-دروم مەن لە-ساپپە-ان-شارتريوز اراسىن قامتىعان 167,5 شاقىرىمدىق قاشىقتىقتى ول 3 ساعات 52 مينۋت 53 سەكۋندتا ءجۇرىپ ءوتتى. ەكىنشى جانە ءۇشىنشى ورىنداردى ۇلىبريتانيالىق تەو گەيگان حارت («INEOS Grenadiers») پەن اۋستريالىق كونراد پاتريك («BORA – hansgrohe») يەلەندى. «استانا» كلۋبى مۇشەلەرى اراسىنان ەڭ ۇزدىك كورسەتكىشكە الەكسەي لۋتسەنكو قول جەتكىزدى. جەرلەسىمىز التىنشى ورىنعا تابان تىرەدى.
ءتورتىنشى كەزەڭدە توپ جارىپ, جالپى ەسەپتە ەكىنشى ورىنعا كوتەرىلگەن الەكسەي لۋتسەنكو التىنشى كەزەڭنەن كەيىن ءبىرىنشى ورىنعا كوتەرىلدى. وتانداسىمىزدىڭ كورسەتكىشى – 20:52:16. «استانانىڭ» تاعى ءبىر ۆەلوشاباندوزى يون يساگيررە ەكىنشى ساتىعا جايعاستى. ول كوشباسىنداعى سپورتشىدان سەگىز سەكۋند قالىپ كەلەدى. ءۇشىنشى ورىندا – نيدەرلاندتىق ۆيلكو كيلدەرمان («BORA – hansgrohe»).