بۇگىن ونلاين فورماتتا وتكەن قازاقستان مەن تۇركيانىڭ بىرلەسكەن ستراتەگيالىق سەسسيالارىنىڭ ىس-شارالارى مارەسىنە جەتتى, دەپ حابارلايدى Egemen.kz.
جيىندار بارىسىندا اقپارات پەن ەتنوس ارالىق قاتىناستاردى دامىتۋ سالالارى بويىنشا تاجىريبە الماسۋ سۇراقتارىنا قاتىستى ناتيجەلى تالقىلاۋلار ءوتتى. قر اقدم وكىلدەرى قازاقستان مەن تۇركيانى ءوزارا دوستىق قارىم-قاتىناستار بايلانىستىرىپ وتىرعانىن جانە ەكى ەل اراسىنداعى دوستىققا ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆ ەرەكشە ءمان بەرەتىنىن اتاپ ءوتتى.
اتاپ ايتساق, تاراپتار جالعان اقپاراتپەن كۇرەس, مەدياسالا ماماندارىن وقىتۋ اسپەكتىلەرى بويىنشا سەرىكتەستىك قۇرۋ قاجەتتىلىگى تۋرالى, سونداي-اق قازاقستان مەن تۇركيا كىرەتىن تۇركىكەڭەسى مينيسترلەرىنىڭ دياسپورا ماسەلەلەرىبويىنشا 4-ءشى وتىرىسىن وتكىزۋگە قاتىستى پىكىرالماستى.
جالپى, ەكى كۇنگە سوزىلعان مازمۇندىباعدارلاما مينيسترلىك جۇمىسىنىڭ 6 باعىتى بويىنشا 4 تاقىرىپتىق ستراتەگيالىق سەسسيالاردى قامتىدى. ولاردىڭ اياسىندا قازاقستان مەن تۇركيا وكىلدەرى ازاماتتىق قوعامدى دامىتۋ, جاستار ساياساتى, اقپارات جانە باق, ءدىني قىزمەتتى رەتتەۋ, ەتنوسارالىق قاتىناستاردى دامىتۋ سالالارىنقامتيتىن كەڭ اۋقىمدى ماسەلەلەردى تالقىلادى.
قازاقستان تاراپىنان قر اقدم قۇرىلىمدىق بولىمشەلەرى, اتاپ ايتقاندا, ازاماتتىق قوعام ىستەرى, اقپارات, جاستار جانە وتباسى ىستەرى, ەتنوس ارالىق قاتىناستاردى دامىتۋ جونىندەگى كوميتەتتەر, باق سالاسىنداعى مەملەكەتتىك ساياسات دەپارتامەنتى, سونداي-اق قازاقستان مۇسىلماندارى دىني باسقارماسى, ازاماتتىق باستامالاردى قولداۋ ورتالىعى, ۇلتتىق ەرىكتىلەر جەلىسى, «جاستار» عىلىمي-زەرتتەۋ ورتالىعى, «وتانداستار» قورى قاتىستى.
تۇركيا تاراپىنان تۇركيا رەسپۋبليكاسى پرەزيدەنتى اكىمشىلىگىنىڭ قوعاممەن بايلانىس جونىندەگى باس باسقارماسى, جاستار جانە سپورت مينيسترلىگى, ءدىن ىستەرى باسقارماسى, تۇرىك ىنتىماقتاستىق جانە ۇيلەستىرۋ اگەنتتىگى (TIKA) باعدارلاماسىنىڭ ۇيلەستىرۋ كەڭسەسى, تۇركيانىڭ ىرى باق جانە ۇەۇ وكىلدەرى قاتىستى.
ەستەرىڭىزگە سالا كەتەيىك, 2021 جىلعى ساۋىردەايدا بالاەۆانىڭ باسشىلىعىمەن بولعان قازاقستاندىق دەلەگاتسيانىڭ تۇركياعا جۇمىسساپارى اياسى مەن تۇركيا پرەزيدەنتى اكىمشىلىگىنىڭ قوعاممەن بايلانىس جونىندەگى باسقارماسىنىڭ باسشىسى فاحرەتتين التۋنمەن, جاستار جانە سپورت ءمينيسترى مەحمەت كاساپوعلۋمەن جانە ءدىن ىستەرى باسقارماسىنىڭ توراعاسى الي ەرباشپەن وتكەن ىسكەرلىك كەزدەسۋلەردىڭ ناتيجەلەرى بويىنشا قازاقستان رەسپۋبليكاسى اقپارات جانە قوعامدىقدامۋ مينيسترلىگىنىڭ جەتەكشىلىك ەتەتىن سالالارىبويىنشا تۇركيا رەسپۋبليكاسىنىڭ مەملەكەتتىك ورگاندارىمەن بىرلەسكەن ستراتەگيالىق سەسسيالار وتكىزۋ تۋرالى كەلىسىمگە قول جەتكىزگەن ەدى.