اقتاۋ قالاسىنداعى نازارباەۆ زياتكەرلىك مەكتەبىنىڭ اۆتورلىق جوباسى – Caspian Startup – 2021 حالىقارالىق ستارتاپ-جوبالار بايقاۋى ءوز مارەسىنە جەتتى. ءۇشىنشى رەت وتكىزىلگەن ءىس-شارانىڭ تاقىرىبى رەتىندە جاڭاراتىن ەنەرگيا كوزدەرى تاڭدالدى – ۇيىمداستىرۋشىلار جاستاردى دا, كاسىپكەرلەردى دە بالامالى ەنەرگيا كوزدەرىمەن تانىستىرۋ ماقساتىن ۇستاندى.
ساراپشىلار مەن كاسىپكەرلەردەن جينالعان كونكۋرستىق كوميسسيانىڭ نازارىنا قازاقستان, ازەربايجان جانە تۇرىكمەنستاننىڭ جاس زەرتتەۋشىلەرى قاتىسقان 89 جوبا ۇسىنىلدى. بايقاۋدىڭ اقتىق سىنىنا 15 جۇمىس جولداما الدى.
– جىلدان-جىلعا ءداستۇرلى بايقاۋ جەرگىلىكتى جانە حالىقارالىق دەڭگەيدە سۇرانىسقا يە ەكەنىن كورسەتىپ كەلەدى. بيىل بىزگە ازەربايجان وقۋشىلارىنان 2 جوبا جانە تۇرىكمەنستاننان 22 جۇمىس كەلىپ ءتۇستى, – دەيدى اقتاۋدا- عى زياتكەرلىك مەكتەپ ديرەكتورى اسەل بەيسەمبينوۆا.
Caspian Startup قاتىسۋشىلارىنىڭ كوپشىلىگى – NIS وقۋشىلارى. فينالعا قاتىسۋشىلار قاتارىندا اقتاۋ, اقتوبە, تاراز, شىمكەنت, قاراعاندى جانە كوكشەتاۋ قالالارىنداعى زيات- كەرلىك مەكتەپتەردىڭ ستارتاپشىلارى بار. سونداي-اق رەسپۋبليكانىڭ جالپى ءبىلىم بەرەتىن مەكتەپتەرىنىڭ وقۋشىلارى دا ءوز جوبالارىن ۇسىندى.
جەڭىمپازدار مەن جۇلدەگەرلەردى نوۋتبۋك, پلانشەت, سمارتفون سياقتى باعالى سىيلىقتار كۇتتى. قاتىسۋشىلاردىڭ ستارتاپتارىن «جاسىل» ەكونوميكانىڭ ترەندتىك سالالارىندا جاستاردىڭ جوبالارىن قۇرۋعا جانە ىسكە اسىرۋعا مۇددەلى Jusan Bank قولدادى.
تۇرىكمەنستاننان كەلگەن وقۋشىلاردىڭ يدەيالارى ۇزدىك دەپ تانىلدى. بايقاۋدىڭ قورىتىندىسى بويىنشا I ورىن العان اشعاباد ستارتاپشىسى مەردان اقىجانوۆ جاھاندىق جىلىنۋ ماسەلەسىن شەشۋگە كومەكتەسەتىن ماقتا ساباعىنان بيووتىن ءوندىرۋدى ۇسىندى. جەڭىمپازدىڭ ەسەپتەۋى بويىنشا جوبانىڭ جىل سايىنعى تازا پايداسى 130 ميلليون دوللاردان اسۋى مۇمكىن. ەكىنشى ورىن ماگومەد ماكسۋدوۆ پەن شانۋر مازىەۆتىڭ جوباسىنا بۇيىردى, ولار Wi-Fi سيگنالىن ءبىر جارىم شاقىرىم قاشىقتىقتا ۇستاۋعا مۇمكىندىك بەرەتىن راديو تولقىندارىن قۇرۋ يدەياسىن ۇسىندى. شىمكەنتتەگى NIS وقۋشىسى مۋحيت بەرديكۋل ءۇشىنشى ورىندى ەنشىلەگەن Clean City جوباسىن ازىرلەدى.
قازاقستاننىڭ جەتەكشى جوعارى وقۋ ورىندارى ۇزدىك ستارتاپشىلارعا ءبىلىم گرانتتارىن ۇسىندى. الماتىداعى قازاقستان-بريتان تەحنيكالىق ۋنيۆەرسيتەتى اقتوبەدەگى زياتكەرلىك مەكتەپتەن اندرەي ءتيمونيندى, NIS كوكشەتاۋدان ءدياسالى كارىمدى, سونداي-اق تۇرىكمەنستاننان كەلگەن Caspian Startup – 2021 جەڭىمپازى مەردان اقىجانوۆتى تەگىن وقۋعا شاقىردى. Yessenov University ۇسىنعان ءبىلىم گرانتى اقتاۋ قالاسىنداعى NIS-تەن نۇرتاس باشەەۆكە بۇيىردى, ال سافي وتەباەۆ اتىنداعى اتىراۋ مۇناي جانە گاز ۋنيۆەرسيتەتىنە سەگىز جوبانىڭ اۆتورلارى – زياتكەرلىك مەكتەپ وقۋشىلارى دانيال ساگيمباەۆ, تيمۋر ساپاەۆ, اسەل وشان, ەرلان تۇرالى, مۋحيت بەرديكۋل جانە جانىبەك بوزباەۆ, سونداي-اق اقتاۋ قالاسىنداعى №10 جوببم-نەن ارەف اداي مەن رايىمبەك ورىنباي, ءال-فارابي اتىنداعى كوكشەتاۋ IT-ليتسەيىنەن اسىلحان قوشانوۆ وقۋعا شاقىرتۋ الدى. اقتاۋداعى زياتكەرلىك مەكتەپتەن ەرلان تۇرالىنىڭ Hydropanel تاقىرىبىنداعى جوباسىن ECO Waste Aqtau ماماندارى باعالاپ, وقۋشىعا پلانشەت سىيعا تارتتى. سونىمەن قاتار بايقاۋ فيناليستەرى حالىقارالىق ءىت-ستارتاپتار ورتالىعى Astana hub تەحنوپاركىنىڭ ماماندارى قاتىساتىن ءۇش كۇندىك ترەنينگكە قاتىستىرىلماقشى.
Caspian Startup جوباسى جاڭالىققا جانى قۇشتار جاستاردىڭ قيالىن ۇشتاپ, تالابىن قاناتتاندىرۋعا سەرپىن بەرگەنى انىق.
ماڭعىستاۋ وبلىسى