Kaspi.kz تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ جاڭا جوبانى ىسكە قوستى. قازاقستاندىقتار ەندى قوعامدىق ورىندارعا بارۋ ءۇشىن Ashyq قىزمەتىن Kaspi.kz قوسىمشاسىندا پايدالانا الادى.
ء«بىز ەلدەگى ەڭ تانىمال سۋپەر-قوسىمشا Kaspi.kz-كە يننوۆاتسيالىق قىزمەتتەردى تۇراقتى تۇردە قوسىپ وتىرامىز. بۇگىن ءبىز بارلىق قازاقستاندىقتارعا سپورت كلۋبتارىنا, باسسەيندەرگە, كافەلەر مەن باسقا دا قوعامدىق ورىندارعا بارۋعا مۇمكىندىك بەرەتىن Ashyq قىزمەتىن Kaspi.kz قوسىمشاسىنا قوسامىز. ءبىز مەملەكەتپەن سەرىكتەستىكتە سۇيىكتى كليەنتتەرىمىزگە پاندەميا كەزىندە بەلسەندى ءومىر سۇرۋگە, ال قازاقستاندىق بيزنەسكە قاۋىپسىزدىك شارتتارىن ساقتاي وتىرىپ جۇمىس ىستەۋگە كومەكتەسكەنىمىزگە قۋانىشتىمىز», دەدى بۇل جونىندە Kaspi.kz باسشىسى ميحايل لومتادزە.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, Ashyq قىزمەتى بيزنەسكە پاندەميا كەزىندە جۇمىس ىستەۋگە, ال بىزگە – سۇيىكتى دەمالىس ورىندارىنا بارىپ, ادەتتەگى ءومىر سالتىمەن ءومىر سۇرۋگە مۇمكىندىك بەرگەنىن اتاپ ءوتتى. ء«بىز اتالعان قىزمەت ەلدەگى ەڭ تانىمال قوسىمشالاردا پايدا بولادى دەپ ۋادە بەرگەن ەدىك. بۇگىن بۇل Kaspi.kz كليەنتتەرىنە قولجەتىمدى بولدى. ءبىز ەل تۇرعىندارى الدىنداعى جاۋاپكەرشىلىكتى سەزىنەمىز جانە بيزنەستى قورعاۋ مەن قازاقستاندىقتار اراسىندا ۆيرۋستىڭ تاراماۋىنا بار كۇشىمىزدى سالامىز», دەدى مينيستر.
جاڭا قىزمەتتى پايدالانۋ ءۇشىن Kaspi.kz قوسىمشاسىندا Kaspi QR-دى اشىپ, Ashyq جوباسىنا قاتىساتىن نىسان, مەكەمەنىڭ كىرەبەرىسىندەگى QR-كودتى سكانەرلەۋ جەتكىلىكتى. ودان كەيىن سمارتفون ەكرانىندا قوعامدىق ورىنعا كىرۋ نەمەسە شەكتەۋ بارى تۋرالى اقپارات پايدا بولادى:
قاۋىپسىز – شەكتەۋ جوق, پتر تەست تەرىس; بەيتاراپ – پتر تەست مىندەتتى ورىنداردان باسقا جەرگە شەكتەۋ جوق; ۆيرۋس جۇقتىرعاندارمەن بايلانىسى بار – نىساندارعا كىرۋگە جارتىلاي تىيىم سالىنعان; جۇقتىرعان – قوعامدىق ورىندارعا كىرۋگە تىيىم سالىنادى. پتر تەست وڭ.ەگەر كىرۋگە رۇقسات بەرىلسە, نىسان قىزمەتكەرىنە ۋاقىتشا رۇقساتتامانى كورسەتىپ, 5 مينۋت ىشىندە كىرۋ كەرەك.
ءوز مارتەبەڭىزدى كەز كەلگەن ۋاقىتتا Kaspi.kz قوسىمشاسىندا QR-كودتى سكانەرلەۋسىز تەكسەرە الاسىز. ول ءۇشىن «مەملەكەتتىك قىزمەتتەر – Ashyq. كوروناۆيرۋس بويىنشا ستاتۋس» بولىمىنە كىرۋ كەرەك.
جوبا Kaspi.kz جانە «ۇات» اق اقپاراتتىق جۇيەلەرىنىڭ ىقپالداسۋى ناتيجەسىندە ىسكە قوسىلدى.
بۇعان دەيىن Kaspi.kz كومانداسى تسيفرلىق دامۋ مينيسترلىگىمەن بىرلەسىپ Kaspi.kz سۋپەر-قوسىمشاسىندا جەكە كاسىپكەرلىك اشۋ جانە اۆتوكولىكتى قايتا تىركەۋ جوبالارىن ءساتتى جۇزەگە اسىردى.