ا. مامين كاسىپكەرلىك ماسەلەلەرى جونىندەگى جوبالىق وفيس وتىرىسىن وتكىزدى

جەڭىلدىكتى نەسيە بەرۋ باعدارلامالارى مونيتورينگىنىڭ ناتيجەلەرى, اۋىل شارۋاشىلىعى جانە قارجىلاندىرۋعا قولجەتىمدىلىك سالاسىنداعى بيزنەستىڭ جۇيەلى پروبلەمالارى, مەملەكەتتىك ساتىپ الۋلارداعى, «سامۇرىق-قازىنا» ۇاق» اق جانە جەر قويناۋىن پايدالانۋشىلاردىڭ ساتىپ الۋلارىنداعى جەرگىلىكتى قامتۋ, ميكروقارجى ۇيىمدارى مەن وڭىرلەردىڭ ەكونوميكالىق كارتاسى ماسەلەلەرى قارالدى.

وتىرىسقا ۇكىمەت مۇشەلەرى, وڭىرلەردىڭ اكىمدەرىنىڭ ورىنباسارلارى, «سامۇرىق-قازىنا» ۇاق» اق, «اتامەكەن» ۇكپ, «بايتەرەك»  ۇبح» اق, «دامۋ» كدق» اق, قازاقستان قارجىگەرلەرى قاۋىمداستىعىنىڭ باسشىلىعى, وڭىرلىك كاسىپكەرلەر كەڭەستەرىنىڭ توراعالارى جانە ت. ب. قاتىستى.

بجك-2025 باعدارلاماسىن ىسكە اسىرۋدىڭ وڭ قارقىنى بايقالۋدا. وسى جىلدىڭ قاڭتار-ءساۋىر ايلارىندا 169 ملرد تەڭگە سوماسىنا 1688 جوبا سۋبسيديالاندى, ونىڭ اياسىندا 6235 جاڭا جۇمىس ورنى اشىلادى. سونىمەن قاتار «دامۋ» قورى 8348 جوبا ءۇشىن جالپى سوماسى 109,3 ملرد تەڭگە كەپىلدىك بەردى.

«قاراپايىم زاتتار ەكونوميكاسى» جەڭىلدەتىلگەن نەسيە بەرۋ باعدارلاماسى بويىنشا بۇگىندە 692,8 ملردتەڭگە سوماسىنا 2935 جوبا ماقۇلداندى, 594,6 ملرد تەڭگە سوماسىنا 2333 جوبا سۋبسيديالاندى.

اۋىل شارۋاشىلىعىن قولداۋ مەملەكەتتىك ينستيتۋتتارىنىڭ سۋبەكتىلىك تسيفرلىق مونيتورينگى بويىنشا جۇمىس جۇرگىزىلدى. بيىل 137,2 ملرد تەڭگە سوماسىنا 5811 جوبا نەسيەلەندىرىلدى. جالپى, 2021 جىلى اۋىل شارۋاشىلىعى سالاسىن سۋبسيديالاۋعا شامامەن 375 ملرد تەڭگە ءبولىندى.

بيىلعى جىلدىڭ 4 ايىندا 1827 وتاندىق ءتاۋاروندىرۋشى ءۇشىن جەرگىلىكتى اتقارۋشى ورگانداردىڭ مەملەكەتتىك ساتىپ الۋلارىنا قولجەتىمدىلىك قامتاماسىز ەتىلدى. تاۋارلاردى ساتىپ الۋ بويىنشا جەرگىلىكتى قامتۋدىڭ ەڭ جوعارعى ۇلەسىنە تۇركىستان, شىعىس قازاقستان جانە قاراعاندى وبلىستارىندا قول جەتكىزىلدى.

وتىرىستا وڭىرلەردىڭ ەكونوميكالىق كارتاسىن وزەكتەندىرۋ بويىنشا جۇمىس قورىتىندىسى شىعارىلدى.

«جوبالىق ءوفيستىڭ اقپاراتتىق جۇيەسى بازاسىنداعى ەكونوميكالىق كارتا وڭىرلەردىڭ ەكونوميكالىق دامۋىنىڭ مونيتورينگىنىڭ, ولاردىڭ ماماندانۋىنا تالداۋ جۇرگىزۋدىڭ جانە مەملەكەتتىك قولداۋ شارالارىنىڭ تيىمدىلىگىن باعالاۋدىڭ ءتيىمدى قۇرالىنا اينالادى. اربىر اكىمدىك وسى تسيفرلىق قۇرالدى جۇمىستا جان-جاقتى پايدالانۋى قاجەت»,  دەدى ا. مامين.

پرەمەر-مينيستر 2021 جىلدىڭ ءى جارتى جىلدىعىنىڭ قورىتىندىسى بويىنشا وڭىرلەردىڭ ەكونوميكالىق كارتاسىن وزەكتەندىرۋدى, وندىرىستىك سەكتورعا باسا نازار اۋدارا وتىرىپ, «بيزنەستىڭ جول كارتاسى» باعدارلاماسىن جەتىلدىرۋ ماسەلەلەرىن پىسىقتاۋدى, رەتتەلەتىن ساتىپ الۋلارداعى جەرگىلىكتى قامتۋدى باقىلاۋدى قامتاماسىز ەتۋدى, ونەركاسىپتىك تاۋارلاردىڭ ەۋرازيالىق ءتىزىلىمى شەڭبەرىندە وتاندىق وندىرۋشىلەردىڭ ەاەو-عا مۇشە مەملەكەتتەردىڭ مەملەكەتتىك ساتىپ الۋلارىنا قول جەتكىزۋىن قامتاماسىز ەتۋ جونىندە شارالار قابىلداۋدى تاپسىردى.