پاۆلودار وبلىسىندا كوشى-قون زاڭناماسىن بۇزعان 152 شەتەلدىك انىقتالدى, دەپ حابارلايدى Polisia.kz.
كوشى-قون پوليتسياسىمەن تۇراقتى نەگىزدە كوشى-قون زاڭناماسىن بۇزۋ فاكتىلەرىن انىقتاۋ ءۇشىن ماقساتتى پىسىقتاۋلار مەن رەيدتىك ءىس-شارالار جۇرگىزىلەدى.
– اعىمداعى جىلدىڭ بەس ايىندا پاۆلودار وبلىسىنىڭ كوشى-قون قىزمەتىنىڭ قىزمەتكەرلەرىمەن 2 701 ادام اكىمشىلىك جاۋاپقا تارتىلدى, ونىڭ ىشىندە 276 شەتەلدىك جانە 2 425 قر ازاماتتارى. كوشى-قون زاڭناماسىن بۇزعانى ءۇشىن 152 شەتەلدىك, 296 قابىلداۋشى تۇلعالاردىڭ شەتەل ازاماتتارىنىڭ بولۋ ەرەجەلەرىن بۇزعانى ءۇشىن جاۋاپقا تارتىلدى. شەتەلدىك جۇمىس كۇشىن زاڭسىز پايدالانعانى ءۇشىن 30 قۇقىق بۇزۋشى اكىمشىلىك جاۋاپقا تارتىلدى, – دەدى پاۆلودار وبلىسى كوشى-قون قىزمەتى باسقارماسىنىڭ باستىعى ارمان ۋاليەۆ.
قازاقستان رەسپۋبليكاسىندا تىركەۋ ەرەجەلەرىن ساقتاماي تۇرىپ جاتقان 2 148-دەن استام ازامات انىقتالدى, ونىڭ ىشىندە 2 090-ى قر ازاماتتارى جانە 58-ءى شەتەلدىكتەر. سوتقا 92 ءىس جىبەرىلدى. 13 شەتەلدىككە قاتىستى ەلدەن شىعارۋ تۋرالى شەشىم قابىلداندى. جالپى سوماسى 40 ملن 151 مىڭ تەڭگەگە اكىمشىلىك ايىپپۇل سالىندى.