«Astana Premier Tech» كلۋبىنىڭ ۆەلوشاباندوزى الەكسەي لۋتسەنكو فرانتسيادا ءوتىپ جاتقان «كريتەريۋم دوفينە» كوپكۇندىگىنىڭ ءتورتىنشى كەزەڭىندە توپ جاردى, دەپ حابارلايدى Egemen.kz.
قازاقستاندىق سپورتشى فيرميني مەن روش-لا-مولەر وڭىرلەرى ارالىعىن قامتىعان 16,4 شاقىرىمدىق قاشىقتىقتى 21 مينۋت 36 سەكۋندتا ءجۇرىپ ءوتتى. جەرلەسىمىزدەن نەبارى سەگىز سەكۋند قالىپ قويعان «Astana Premier Tech» كلۋبىنىڭ تاعى ءبىر مۇشەسى, يسپانيالىق يون يساگيررە ەكىنشى ورىندى يەلەنسە, دانيالىق كاسپەر اسگرين («Deceuninck-QuickStep») ۇزدىك ۇشتىكتى قورىتىندىلادى.
وسى جەڭىستەن كەيىن الەكسەي لۋتسەنكو جالپى ەسەپتە ەكىنشى ورىنعا كوتەرىلدى. ول تەك «Bora–Hansgrohe» كلۋبى ساپىندا ونەر كورسەتەتىن اۋستريالىق ۆەلوشاباندوز لۋكاس پيوستلبەرگەرتەن عانا قالىپ كەلەدى. ال يون يساگيررە ءتورتىنشى ورىنعا تۇراقتادى.