اقپارات جانە قوعامدىق دامۋ ءمينيسترى ايدا بالاەۆا ايدا بالاەۆا جازۋشى قاستەك بايانبايدىڭ تۋىستارىنا كوڭىل ايتتى, دەپ حابارلايدى Egemen.kz.
«بالالار ادەبيەتىنىڭ جازۋشىسى, ۇلتتىق جۋرناليستيكانىڭ ارداگەرى, بەلگىلى اقىن – قاستەك بايانباي اعامىزدىڭ ومىردەن وزۋىنا بايلانىستى, مارقۇمنىڭ وتباسى مەن جاقىن-تۋعاندارىنىڭ قايعىلارىنا ورتاقتاسىپ كوڭىل ايتامىن.
«بار ادەبيەتتىڭ باستاۋى - بالالار ادەبيەتى» دەگەن قاستەك اعامىز ءوزىنىڭ بۇكىل سانالى عۇمىرىن بالالار ادەبيەتى جولىنا ارناپ, جالىندى ولەڭدەر مەن اڭگىمەلەر جازدى, مازمۇندى اۋدارمالار جاسادى, قازاق جۋرناليستيكاسىن دامىتۋعا ايانباي ەڭبەك ەتتى.
اعامىزدىڭ مول ادەبي مۇراسى – توزباس رۋحاني قازىنا بولىپ, زيالى بولمىسى – قالىڭ وقىرمان قاۋىمنىڭ ماڭگىلىك ەسىندە ساقتالادى. مارقۇمنىڭ جاتقان جەرi جارىق, توپىراعى تورقا بولىپ, نۇرى پەيىشتە شالقىسىن!», دەپ جازدى مينيستر ايدا بالاەۆا.