ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 2021 جىلعى 3 ماۋسىمدا وتەتىن سەنات وتىرىسىنىڭ كۇن ءتارتىبىن قارادى, دەپ حابارلادى سەناتتىڭ ءباسپاسوز قىزمەتى.
سوعان سايكەس, الداعى بەيسەنبىدە سەناتورلار «قازاقستان رەسپۋبليكاسىنىڭ ۇكىمەتى مەن ازەربايجان رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسىن قارايدى.
بۇل كەلىسىم كوشى-قون سالاسىنداعى ەكىجاقتى ىنتىماقتاستىق ءۇشىن قۇقىقتىق نەگىز قالىپتاستىرۋدى جانە زاڭسىز كوشى-قونعا قارسى ءىس-قيمىل بويىنشا بىرلەسىپ ارەكەت ەتۋدى كوزدەيدى. قاجەت بولعان جاعدايدا تاراپتار انىقتالعان كوشى-قون زاڭناماسىنىڭ بۇزۋشىلىقتارى, زاڭسىز كوشى-قون جولدارى, ەكى ەلدىڭ اۋماعىندا زاڭسىز كوشى-قوندى ۇيىمداستىرۋعا جانە جۇزەگە اسىرۋعا قاتىسى بار زاڭدى جانە جەكە تۇلعالار تۋرالى اقپارات پەن مالىمەتتەردى الماسا الادى.
سونداي-اق بيۋرو وتىرىسىندا ماجىلىستەن كەلىپ تۇسكەن زاڭ جوبالارى سەناتتىڭ تۇراقتى كوميتەتتەرىنە ءبولىنىپ بەرىلدى.